قاجىمۇقاننىڭ كوپشىلىككە بەيمالىم فوتوسۋرەتى جاريالاندى

استانا. قازاقپارات - ساياسات تانۋشى ايدوس سارىم فەيسبۋك پاراقشاسىندا قاجىمۇقاننىڭ كوپشىلىككە بەيمالىم بولىپ كەلگەن فوتوسۋرەتىن جاريالادى، دەپ حابارلايدى قازاقپارات.

«قاجىمۇقان اتامىزدىڭ مىنا سۋرەتىن كورمەگەن ەكەنمىن»، - دەيدى ايدوس سارىم. بىرنەشە بالۋانمەن بىرگە تۇسكەن قاجىمۇقاننىڭ بۇل سۋرەتى كوپشىلىككە بەيتانىس.

سۋرەت ەسكى گازەتتەردىڭ بىرىندە جاريالانعان بولۋى كەرەك. فوتوسۋرەتتىڭ استىندا «ماسكەۋ زوولوگيالىق باعىندا وتكەن جىلدىڭ جازىندا ونەر كورسەتكەن بالۋاندار توبىنىڭ قىزىقتى سۋرەتى. پالتو كيگەن - بەلگىلى چەمپيوناتتاردى ۇيىمداستىرۋشىلاردىڭ ءبىرى - ن. يا. پەتروۆ. ودان سولعا قاراي تاياق ۇستاپ تۇرعان - شتەرن. ونىڭ جانىندا تۇرعانى جاس چەمپيون - لۋكا كوپيەۆ. ودان كەيىنگى قارا ءناسىلدى - چەمبەرس تسيپس. الدىڭعى قاتاردا پوددۋبنىيدىڭ ءوزى تۇر. ونىڭ ارتىندا كۇلىمدەپ ساباتە تۇر. ال - سىرلى سىم كيىپ تۇرعان - كەربەز مۋحانۋرا (قاجىمۇقان - اۆت.)»، - دەپ جازىلعان.