ساراپشى دوللاردىڭ بيىلعى باعامىنا بولجام جاسادى
وسى رەتتە «الپاري» اقپاراتتىق-ساراپتامالىق ورتالىعىنىڭ اعا ساراپشىسى اننا بودروۆا «قازاقپارات» تىلشىسىنە بەرگەن سۇحباتىندا اتالعان 3 ۆاليۋتادان الداعى ۋاقىتتا نە كۇتۋگە بولاتىندىعىن ايتىپ بەردى.
«الپاري» بولجامىنشا، ا ق ش دوللارى رۋبلمەن جۇپتا 2019-جىلدىڭ ىشىندە 62-78 رۋبل شەگىندە، جىلدىڭ ورتاشا باعامى 1 ا ق ش دوللارىنا 68 رۋبل كولەمىندە ساۋدالاناتىن بولادى.
قازىرگى ۋاقىتتا دوللار ءالسىز كورىنگەنىمەن فەدەرالدى رەزەرۆتىك جۇيە مەن ماكروەكونوميكالىق ەسەپتەر تاراپىنان قۋاتتى ىرگەلى قولداۋعا يە.
«جاقىن ايلاردا ەۋرو/دوللار جۇبى 1,1200-1,1700 شەگىندە قالادى. يۋانعا دوللارمەن جۇپتا ديەۆالۆاتسياعا نەگىز بار. دەگەنمەن، ادەتتە مۇنى قىتاي حالىق بانكى فاكتىلەردى العاننان كەيىن عانا جاسايدى.
قىتاي مەن امەريكالىق ساياساتكەرلەر اراسىندا كەلىسسوزدەر جۇرگىزىلىپ جاتقان ساتتە دوللار/يۋان جۇبى تومەندەپ، 1 ا ق ش دوللارىنا 6,50 يۋانعا دەيىن جەتۋى مۇمكىن. دەگەنمەن، كەيىن 7,00 گە جەتىپ، 8,00 گە قاراي وسۋىنە دە مۇمكىنشىلىك بار»، - دەدى اننا بودروۆا.
ونىڭ ايتۋىنشا، قاڭتاردان باستاپ ناۋرىزدىڭ سوڭىنا دەيىن ا ق ش پەن قىتاي كوپتەگەن كەلىسسوز جۇرگىزەدى. بۇل كەلىسسوزدەردىڭ ماقساتى - ساۋدا سوعىسىنىڭ اياقتالۋىنا سەپ بولاتىن ساۋدا كەلىسىمىن جاساۋ.
«بۇل تاراپتاردان جەتكەن العاشقى جاڭالىقتار جاعىمدى. بەيجىڭ ا ق ش- تان مول ەنەرگيا رەسۋرسى مەن اۋىل شارۋاشىلىعى ونىمدەرىن ساتىپ الۋعا كەلىستى. بۇل ساياساتكەرلەردىڭ دەن كاپيتال نارىعىنىڭ دا كوڭىلىنەن شىعادى. دەگەنمەن، نەگىزگى كەلىسسوزدەر ءالى الدا جۇرگىزىلمەك.
ۆاشينگتون قىتايعا ۇسىنىپ وتىرعان جاھاندىق شارتتار بەيجىڭنىڭ كوڭىلىنەن شىعىپ وتىرعان جوق. سوندىقتان بارلىق كەلىسسوزدەر جەڭىل ءارى قاراپايىم وتەدى دەپ بولجاۋ جاڭساقتىق بولار. ساۋدا سوعىسىنداعى ءۇش ايلىق وسىناۋ ىركىلىستىڭ ناتيجەسىنە تاياۋ جىلداعى الەمدىك ساۋدانىڭ جاي-كۇيى، ءىرى مەملەكەتتەردىڭ ونەركاسىپ ءوسىمىنىڭ قارقىنى، ەكسپورت پەن يمپورت كولەمى جانە باسقا دا جايتتار بايلانىستى بولادى. بۇل ءوز كەزەگىندە نەگىزگى الەمدىك ۆاليۋتالار يۋان مەن دوللار ءۇشىن ماڭىزى»، - دەدى ساراپشى.
ونىڭ پايىمىنشا، ساۋدا كەلىسسوزدەرى ساتسىزدىككە ۇشىرايتىن بولسا، وندا تاراپتار ءبىر-بىرىنە يمپورتتىق سالىقتاردى كوتەرىپ، ساۋدا سوعىسى جاڭا دەڭگەيگە كوتەرىلەتىن بولادى. ال قىتاي ءوزىنىڭ ەكونوميكالىق جۇيەسىن قورعاۋعا ءماجبۇر بولىپ، يۋاندى قۇنسىزداندىرادى.