14:19, 13 - قاڭتار 2019 | GMT +6
قازاقستاندىق بوكسشىلاردىڭ جويقىن سوققىلارىنىڭ ۆيدەوسى جەلىدە تارادى
استانا. قازاقپارات - Suleimen Promotions پروموۋتەرلىك كومپانياسىنىڭ Youtube-كانالىندا ونىڭ باستى جۇلدىزدارى - قازاقستاندىق بوكسشىلار ايدوس ەربوسىن ۇلى (10-0، 8 ك و) مەن نۇرسۇلتان جاڭابايەۆتىڭ (6-0، 4 ك و) جويقىن سوققىلارىنىڭ ۆيدەوسى جاريالاندى، دەپ حابارلايدى Sports.kz.
ەربوسىن ۇلى ءوزىنىڭ سوڭعى كەزدەسۋىن 23- جەلتوقسان كۇنى رەسەي استاناسى ماسكەۋدە وتكىزگەن بولاتىن. ايدوس بەلگيالىق بوكسشى يلياس اچەرگۋيدى (12-4-1، 6 ك و) مەرزىمىنەن بۇرىن تىزە بۇكتىرگەن ەدى.
قارسىلاس جاقتىڭ وكىلدەرى ءتورتىنشى راۋندتا جەكپە-جەكتى جالعاستىرۋدان باس تارتتى.
جاڭابايەۆ تا ءدال وسى كۇنى شارشى الاڭعا كوتەرىلگەن. ول تورەشىلەردىڭ ءبىراۋىزدان شەشىمىمەن فيليپپيندىك بىلعارى قولعاپ شەبەرى ارنەل تينامپايدان (25-23-1، 11 ك و) باسىم تۇسكەن ەدى.
وسىلايشا نۇرسۇلتان بۇعان دەيىن بوس بولعان ءبىرىنشى ورتا سالماقتاعى WBC Asia چەمپيونى اتاعىن يەلەنگەن بولاتىن.