قازاقستاندىق فۋتبولشى رەسەيدىڭ «روستوۆ» كومانداسىندا ونەر كورسەتەدى

استانا. قازاقپارات - «استانا» مەن قازاقستان قۇراماسىنىڭ جارتىلاي قورعاۋشىسى باكتيەر زاينۋتدينوۆ «روستوۆ» رەسەي پرەمەر-ليگاسىنىڭ كلۋبىمەن كەلىسىمشارت جاسادى، دەپ حابارلايدى «SPORTINFORM».

20 جاستاعى جارتىلاي قورعاۋشى رەسمي تۇردە «روستوۆ» ويىنشىسى اتاندى. مامىلەنىڭ ءمان-جايى ازىرگە جاريالانعان جوق، تەك «استانانىڭ» رەسەيلىك كلۋبتان بەلگىلى ءبىر مولشەردە وتەماقى الاتىنى ءمالىم بولدى.

وتكەن ماۋسىمدا جامبىلدىق فۋتبولشى زاينۋتدينوۆ ق پ ل اياسىندا 27 ماتچ وتكىزىپ، 5 رەت گول سالعان. باكتيەر قازاقستان قۇراماسىندا 9 ماتچ وتكىزىپ، 3 رەت گولمەن ەرەكشەلەندى. سونداي-اق، چەمپيوناتتىڭ قورىتىندىسى بويىنشا «ماۋسىم جاڭالىعى 2018» جۇلدەسىنە يە بولدى.