پاريجدەگى جارىلىستان زارداپ شەككەندەر اراسىندا قازاقستاندىقتار جوق - ق ر ەلشىلىگى
«فرانسياداعى قازاقستان ەلشىلىگىنىڭ حابارلاۋىنشا، پاريجدەگى ناۋبايحانالاردىڭ بىرىندە بولعان جارىلىستان قازا تاپقاندار مەن جارالانعاندار اراسىندا قازاقستان ازاماتتارى جوق. پاريج پروكۋراتۋراسى تەرگەۋ جۇمىستارىن جۇرگىزىپ جاتىر. ونىڭ بارىسىندا قايعىلى وقيعانىڭ ناقتى سەبەپ-سالدارى انىقتالاتىن بولادى. كەلەڭسىز جاعداي ورىن العان جەردەگى قوناقۇيلەرگە ورنالاسقان ادامدار مەن سول ماڭداعى ۇيلەردىڭ تۇرعىندارى ەۆاكۋاتسيالاندى. بيلىك ورىندارى جارىلىستان قيراعان پاتەر يەلەرىنىڭ ۋاقىتشا باسپانالارعا ورنالاستىرىلعاندىعىن مالىمدەدى»، - دەپ حابارلادى «حابار 24» ارناسىنىڭ مەنشىكتى ءتىلشىسى اليا سىزدىقوۆا.
ەسكە سالا كەتسەك، بۇدان بۇرىن قالا ورتالىعىندا گازدىڭ جارىلۋىنان ءتورت ادام قازا تاپقاندىعى ايتىلعان بولاتىن.
مەرت بولعانداردىڭ ەكەۋى - ءورت ءسوندىرۋ قىزمەتىنىڭ جۇمىسشىلارى. قۇتقارۋشىلاردىڭ دەرەگىنە قاراعاندا، وقىس وقيعا سالدارىنان 30 ادام جاراقات العان، ولاردىڭ 12 ءسى اۋىر جاعدايدا.
جەرگىلىكتى پوليتسيانىڭ مالىمەتىنشە، كەلەڭسىز جاعداي سەنبى كۇنى تاڭەرتەڭ قالانىڭ توعىزىنشى اۋدانىنداعى تريەۆيز كوشەسىندە بولعان. سونداي-اق ق ر س ءى م باسپا ءسوز قىزمەتى فرانسياداعى ق ر ەلشىلىگى زارداپ شەككەندەر اراسىندا قازاقستان ازاماتتارىنىڭ بار-جوعىن انىقتاپ جاتقاندىعىن ءمالىم ەتكەن ەدى.