فرانسيا جاعالاۋىنان ەكىنشى رەيحتىڭ سۇڭگۋىر قايىعى تابىلدى

استانا. قازاقپارات - فرانسيانىڭ سولتۇستىگىندەگى ۆيسسان قالاسىنىڭ ماڭىندا ءبىرىنشى دۇنيەجۇزىلىك سوعىس كەزىندەگى نەمىستىڭ سۇڭگۋىر قايىعىنىڭ سىنىقتارى تابىلدى، دەپ جازادى Voix du Nord گازەتى.

باسىلىمنىڭ دەرەكتەرىنە قاراعاندا، سۋبماريندى سۋدىڭ قايتۋى كەزىندە تاپقان. تاريحشىلاردىڭ ايتۋىنشا، سۇڭگۋىر قايىق 1917-جىلدىڭ 25-شىلدەسىنەن 26 سىنا قاراعان ءتۇنى تاياز سۋدا قايىرلاپ قالعان.

«وعان تاپسىرىلعان مىندەت - مينا تاسۋ جانە كوزدەلگەن جەرگە قويۋ. سول سەبەپتى بۇل سۇڭگۋىر قايىق جاعالاۋعا تىم جاقىن كەلگەن»، - دەيدى جەرگىلىكتى گيد ۆينسەنت شميتت.

ەكيپاجدىڭ 25 مۇشەسى ەۆاكۋاتسيالانىپ، جاۋ قولىنا تۇسپەسى ءۇشىن سۋبماريندى جارىپ جىبەرگەنى اتاپ وتىلەدى.

ءبىراق نەمىس تەڭىزشىلەرى كوپ ۇزاماي سول ماڭدا قولعا تۇسكەن.