مۇگەدەككە كومەكتەسكەن اقتاۋلىق پوليتسەيگە جۇرت ءسۇيسىندى

اقتاۋ. قازاقپارات - اقتاۋلىق پوليتسەيدىڭ ارباعا تاڭىلعان مۇگەدەككە كومەكتەسكەنىن قالا تۇرعىنى ۆيدەوعا ءتۇسىرىپ العان، دەپ حابارلايدى قازاقپارات ءتىلشىسى.

بەينەجازبا الەۋمەتتىك جەلىدە تەز تاراپ، اقتاۋلىقتاردىڭ قىزۋ تالقىسىنا ءتۇستى. ارباعا تاڭىلعان مۇگەدەك ايەل جولدىڭ ارعى بەتىنە وتە الماعان. ونى جولدا ءوتىپ بارا جاتقان ءى ءى د پوليتسەيلەرى كورىپ، كولىگىنەن ءتۇستى دە، جولداعى كولىكتەردى توقتاتتى. ءسويتىپ ايەلدى جولدىڭ ارعى بەتىنە وتكىزىپ، كومەككە مۇقتاج جانعا قول ۇشىن سوزعان.

ولاردىڭ بۇل ارەكەتىنە الەۋمەتتىك جەلى قولدانۋشىلارى ءتانتى بولىپ، ريزاشىلىقتارىن جاسىرمادى.

ايتا كەتۋ كەرەك، ماڭعىستاۋ وبلىستىق پ د باسپا ءسوز قىزمەتى مەيىرىمدى پوليتسەيدىڭ اتى- ءجونىن انىقتاعان. ول - اقتاۋ قالاسى جول-پاترۋل پوليتسيا باتالونىنىڭ كادرلار جانە كاسىبي دايارلىق جونىندەگى اعا ينسپەكتورى ساكەن بازاربايەۆ بولىپ شىقتى.