+7 (701) 759 90 19 Лента
-19 °С : استانا
-4 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

اقسۋدا وقۋشىلار اسىقتان ماسساجدى توسەنىشتەر جاساۋدا

11 قاڭتار 20:51 184
:ءبولىسۋ
اقسۋدا وقۋشىلار اسىقتان ماسساجدى توسەنىشتەر جاساۋدا

 پاۆلودار. قازاقپارات - اقسۋ قالاسىنا قاراستى ءمامايىت وماروۆ اۋىلىنداعى جامبىل ورتا مەكتەبىنىڭ تەحنولوگيا ءپانى ءمۇعالىمى جيەنحان حامانايدىڭ وقۋشىلارمەن بىرگە جاساعان ماسساجدى توسەنىشتەرى كوپشىلىك اراسىندا كەڭىنەن تانىلۋدا، دەپ حابارلايدى pavlodarnews.kz.

«رۋحاني جاڭعىرۋ» باعدارلاماسى اياسىندا ۇلتتىق قۇندىلىقتاردى ناسيحاتتاۋدىڭ تىڭ جولىن ويلاپ تاپقان ۇستاز وسىنداي 11 توسەنىش قۇراستىرىپ، سەگىزىن ساۋدالاپ ۇلگەرگەن. 14 ساناماقتىڭ دا باسىم بولىگىن بالاباقشالارعا سىيعا تارتقان.


اقسۋدا وقۋشىلار اسىقتان ماسساجدى توسەنىشتەر جاساۋدا
 «اسىرەسە بالاباقشالاردان ماسساجەرگە دەگەن سۇرانىس بارشىلىق. سونداي- اق، تۇرعىندار تاراپىناندا تاپسىرىس تۇسۋدە. مىسالى، جۋىردا تانىس ادامداردىڭ ءبىرى اۋتيزم دەرتىنە شالدىققان بالانىڭ ەمى ءۇشىن ساتىپ الىپ كەتتى» ، - دەيدى جيەنحان حاماناي.


اقسۋدا وقۋشىلار اسىقتان ماسساجدى توسەنىشتەر جاساۋدا
 بالالاردىڭ جۇرۋىنە جانە توسەك رەتىندە سالىپ جاتۋعا ارنالعان ماسساجدى توسەنىش بۋىندار مەن ولاردىڭ اراسىنداعى بايلانىسىن كۇشەيتەدى، شارشاعان بۇلشىق ەتتەردى قالپىنا كەلتىرەدى. كىشكەنتاي بالالار مەن ەرەسەكتەر ءۇشىن پايداسى زور. ءبىر ماسساجەر توسەنىشكە 108 جانە ەكىنشىسىنە 80 اسىق كەتكەن.

 
اقسۋدا وقۋشىلار اسىقتان ماسساجدى توسەنىشتەر جاساۋدا

بۇگىندە قولونەر يەسى اقسۋ قالاسىنىڭ № 1 قازاق ورتا مەكتەبىندە، № 8 جالپى ورتا ءبىلىم بەرۋ مەكتەبىندە جانە جاس ناتۋراليستەر ستانساسىندا اسىق ۇيىرمەسىنە جەتەكشىلىك ەتەدى. التى جىلدىڭ ىشىندە 3 مىڭنان استام اسىق جيناعان. ونىڭ ىشىندە دالادا ويناۋعا بولاتىن قارا مالدىڭ 40 شاقتى اسىعى كەزدەسەدى.

 
اقسۋدا وقۋشىلار اسىقتان ماسساجدى توسەنىشتەر جاساۋدا

«بالالاردىڭ قىزىعۋشىلىعى وتە جوعارى. بۇل دۇنيەلەردى مەكتەپتەر مەن بالاباقشالاردا ادىستەمەلىك قۇرال رەتىندە قولدانعان دۇرىس ەدى. جوبانى قولعا الماس بۇرىن ادام دەنساۋلىعىنا پايداسىن ءبىلۋ ءۇشىن جان- جاقتى زەرتتەۋ جۇرگىزىپ، مالىمەتتەردى جيناقتادىم. دايىنداۋ تەحنولوگياسىنا كەلەتىن بولساق، اسىقتاردى الدىمەن تۇز قوسىلعان سۋدا تازارتىپ زالالسىزداندىرامىز. سوندا سۇيەكتەگى مايى مەن ارتىق زاتتارىنان تازارىپ شىعادى. بۇدان كەيىن ءتۇرلى تۇسكە بويايمىز. بولاشاقتا وسى جوبانى ءارى قاراي جەتىلدىرە ءتۇسۋ جوسپاردا بار» ، - دەيدى ۇستاز.


باستى سوزدەر: قوعام, ايماق,
:ءبولىسۋ

اأتور:

novasa

ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
باقىتجول كاكەش
باقىتجول كاكەش
954-049
مۇراعات