+7 (701) 759 90 19 Лента
-17 °С : استانا
-2 °С : الماتى
USD 378.14 EUR 429.42
RUB 5.68 CNY 55.56
جاڭالىقتار

ءسابىزدىڭ قانداي پايداسى بار؟

11 قاڭتار 20:32 244
:ءبولىسۋ
ءسابىزدىڭ قانداي پايداسى بار؟

  استانا. قازاقپارات -ءتۇرلى ۆيتاميندەرگە باي كوكونىستەردىڭ ءبىرى ءسابىزدىڭ پايداسى جانە ونىڭ قانداي اۋرۋلارعا ەم بولاتىنى جايلى مالىمەت ۇسىنامىز.

ءسابىزدىڭ پايدالى جانە دارىلىك قاسيەتتەرى ونىڭ باي قۇرامىنا بايلانىستى. ءسابىز - اعزاعا وتە پايدالى كوكونىس. ونىڭ قۇرامىندا B، PP، C، ە، K دارۋمەندەرى جانە ادام اعزاسىندا ا دارۋمەنىنە اينالاتىن كاروتين بار. سونداي- اق، ءسابىزدىڭ قۇرامىندا %1,3 اقۋىز، %7 كومىرسۋ بار. ول كوپتەن بەرى ءارتۇرلى اۋرۋلاردى جەڭىلدەتۋ ءۇشىن دارىلىك زات رەتىندە قولدانىلىپ كەلەدى. سونىمەن، ءسابىز قانداي اۋرۋلاردا كومەكتەسەدى.

اسقازان- ىشەك جولدارىنىڭ پاتولوگياسىنا

ءسابىز شىرىنى مەن مايەگى ءوت ءبولىنۋ جانە شىعارۋ پروتسەستەرىن جاقسارتادى. بۇل كوكونىس ءوت قابىنا تاس بايلانۋ اۋرۋىنان زارداپ شەگەتىن ادامداردىڭ مازىرىندە مىندەتتى تۇردە بولۋى كەرەك.

زات الماسۋدا قيىندىقتار بولسا

ءسابىزدىڭ قۇرامىندا اقۋىز بەن كومىرۋدىڭ مەتابوليزمىن قالىپقا كەلتىرەتىن، سونداي- اق جاسۋشالىق توتىعۋ جانە قالپىنا كەلتىرۋ پروتسەستەرىن بەلسەندىرەتىن بيولوگيالىق بەلسەندى كومپونەنتتەر بار. ءسابىز شىرىنى مەن مايەگى جالپى الدەندىرەتىن اسەرگە يە، ول يممۋندىق جۇيەنى بەلسەندىرىپ، ءسۇت شىعۋدى كۇشەيتەدى.

كوز اۋرۋلارىنا

ءسابىز كوزگە جاعىمدى اسەر ەتەتىن جانە ادام اعزاسىندا ا دارۋمەنىنە اينالاتىن كاروتينگە وتە باي. سول سەبەپتى كورۋ مۇشەسىنىڭ بۇزىلىستارىنان زارداپ شەگەتىن ناۋقاستارعا مۇمكىندىگىنشە تامىر جەمىستەردى شيكىلەي جەۋ ۇسىنىلادى. ال كاروتيننىڭ تەك مايمەن عانا ادامنىڭ اس قورىتۋ جۇيەسى ارقىلى سىڭىرىلەتىنىن ەستەن شىعارماعان ءجون. سوندىقتان وسىنداي اۋرۋلار كەزىندە ءسابىز تۇتىنۋدىڭ ەڭ وڭتايلى جولى ودان مايونەز، قايماق نەمەسە مايلى تۇزدىقتار قوسىلاتىن سالات جاساۋ بولماق.

ءزار شىعارۋ جۇيەسىنىڭ بۇزىلۋىنا

ءسابىز تۇقىمىندا زاقىمدالعان ەپيتەلي جاسۋشالارىن قالپىنا كەلتىرەتىن زاتتار بار. ولار بۇيرەك اۋرۋلارىن ەمدەۋدە ءتيىمدى دەپ سانالادى. ال ءسابىز تۇقىمىنىڭ تۇنباسى نەسەپ ايدايتىن اسەرگە يە. ول قۋىقتاعى تاستار مەن قۇمداردى ەرىتىپ، سىرتقا شىعارۋعا كومەكتەسەدى جانە بۇيرەكتىڭ شانشىپ اۋرۋىن جەڭىلدەتەدى.

جۇرەك- تامىر اۋرۋلارىنا

ءسابىزدىڭ تامىرلى جەمىسىندەگى زاتتار جۇرەكتىڭ بۇلشىق ەتى مەن قان تامىرلارىنىڭ قابىرعاسىن نىعايتادى. ال جاقىندا عانا ميوكارد ينفاركتىسىن وتكەرگەن ناۋقاستار ءۇشىن جاڭادان سىعىلعان ءسابىز شىرىنىن ءىشۋ ۇسىنىلادى.

سالقىن تيگەننەن بولاتىن اۋرۋلاردا

سابىزدەن جاسالعان قۇرام اعزانىڭ قورعانىش كۇشىن بەلسەندىرەدى جانە ايقىن باكتەرياعا قارسى اسەرگە يە. ولار جوعارعى تىنىس جولدارىنىڭ قابىنۋ اۋرۋلارىن ەمدەۋدە تابىستى قولدانىلادى.

جۇيكە بۇزىلۋلارىنا

ءسابىز كوزدىڭ ىشكى تورلى قابىعىنىڭ زاقىمدانۋى، التسگەيمەر اۋرۋى سەكىلدى جۇيكە ءتىنىنىڭ دەگراداتسيالىق وزگەرۋىنەن تۋىندايتىن جۇيكە جۇيەسىنىڭ بۇزىلىستارىن ءتيىمدى ەمدەيتىن كوكونىس. سوندىقتان دا مۇنداي اۋرۋلاردان زارداپ شەگەتىن ناۋقاستارعا كۇنىنە، كەم دەگەندە 2 ستاقان ءسابىز بەن بالدىركوك شىرىنىنىڭ قوسپاسىن ءىشۋ ۇسىنىلادى. ناۋقاستاردىڭ راتسيونىندا سونداي- اق، ۇككىشتەن جاڭادان وتكىزىلگەن ءسابىز بەن ءتۇرلى جەمىستەردەن جاسالعان سالاتتار بولۋى كەرەك.

Stan.kz


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات