سولتۇستىك كورەيانىڭ ەڭ بەدەلدى ايەلى كىم؟

  استانا. قازاقپارات - ول - سولتۇستىك كورەياداعى ەڭ قۇدىرەتتى، بەدەلدى ايەل. ونىڭ ەسىمى - كيم ە چجون. ول اتالعان ەلدىڭ كوشباسشىسى كيم چەن ىننىڭ قارىنداسى.

بۇل تۋرالى BBC حابارلايدى.

ول 1988 -جىلى دۇنيەگە كەلگەن. اعاسى سياقتى شۆەيتساريادا ءبىلىم العان. 2015 -جىلى كيم ە چجوننىڭ بالاسى دۇنيەگە كەلگەن دەسەدى. اكەسى كىم ەكەنى بەلگىسىز.

كيم ە چجون كوپشىلىك الدىنا العاش رەت 2011 -جىلى شىقتى. ول كەزدە ءوزىنىڭ اكەسى كيم چەم ءيردىڭ جانازاسىنا قاتىستى. 2014 -جىلدان باستاپ كورەيالىقتار كيم ە چجونعا جوعارى شەندى ازاماتشا رەتىندە قارايتىن بولدى. ول كيم چەن ىننىڭ جەكە كۇزەتىن باسقاراتىن بولدى. الايدا ءبىر جىل ءساتسىز جۇمىس ىستەگەننەن كەيىن ول بۇل قىزمەتىنەن ءتۇسىپ قالدى. 2017 -جىلى كيم ە چجون كورەيا رەسپۋبليكاسى پوليتبيۋرو قۇرامىنا كىردى. ول رەسمي دەلەگاتسيالارعا ەل اتىنان قاتىسا باستادى. ەكى ەل بىرىككەن كەزدە ول وڭتۇستىك كورەياعا دا بارىپ قايتتى. ول وڭتۇستىكتەگى كورشىسىنە بارىپ قايتقان كيم اۋلەتىنىڭ العاشقى مۇشەسى اتاندى. وڭتۇستىك كورەيا باسشىسى مۋن چجە ءيننىڭ قولىن الىپ، سەنساتسيا جاسادى.

وڭتۇستىك كورەيالىق ب ا ق وكىلدەرى كيم ە چجوندى كورەيا رەسپۋبليكاسىنىڭ «يۆانكاسى» دەپ اتايدى. وعان دا، دونالد ترامپتىڭ قىزىنا دا قىمبات برەندتەر ۇنايدى. الايدا ۆاشينگتون كيمدى ۇناتپايدى. اقش ءوز ەلىندە ادام قۇقىعىن سان مارتە تاپتاعانى ءۇشىن وعان قارسى سانكتسيا جاريالاعان.

ساراپشىلاردىڭ پىكىرىنشە، كيم چەن ىن قارىنداسىنان ءجيى كەڭەس سۇرايدى. الايدا جەرگىلىكتى ب ا ق وكىلدەرى ونىڭ سوزدەرىن ەشقاشان كەلتىرگەن ەمەس. قانشالىقتى مىقتى كوشباسشى بولسا دا، ول سولتۇستىك كورەيانىڭ باسشىسى بولا المايدى. سەبەبى بۇل ەلدە پاتريارحالدى جۇيە دامىعان.

Stan.kz