+7 (701) 759 90 19 Лента
-17 °С : استانا
-2 °С : الماتى
USD 378.14 EUR 429.42
RUB 5.68 CNY 55.56
جاڭالىقتار

جىگىتتەر قانداي قىزداردان قاشىپ قۇتىلعىسى كەلەدى؟

11 قاڭتار 19:51 244
:ءبولىسۋ
جىگىتتەر قانداي قىزداردان قاشىپ قۇتىلعىسى كەلەدى؟

 استانا. قازاقپارات - ارينە، تالعامعا تالاس جوق! بىرەۋگە ۇناعانى بىرەۋگە ۇنامايدى، بىرەۋدىڭ جەك كورگەنىن بىرەۋ ۇناتادى.

جالپى الىپ قاراعاندا جىگىتتەردەن كوبى قانداي ءتيپتى قىزداردان قاشاتىنى جايلى سىر اقتارىپ كورەلىكشى.

قۇربىلارىنا قۇپياسىنىڭ قۇلپىن اشىپ قوياتىن قىزدار. جىگىتتەر سەنىم ايتقان سىرى مەن قۇپياسىن قىزىنىڭ قۇربىلارى دا بىلەتىنىنەن حاباردار بولسا اشۋى كەلەدى. ويتكەنى جەكە قارىم- قاتىناستاعى جايتتاردىڭ جاريا بولعانىن قالامايدى. ەكەۋارا اڭگىمەلەردى كەزدەسۋدەن سوڭ ءوز قۇربىلارىنا جەتكىزىپ، ءتىپتى اسىرا ايتاتىن قىزداردان جىگىتتەر قاۋىما باسىن اۋلاق سالادى.

سەبەپسىز كوز جاسىن كولدەتىپ، ايانىش تۋعىزعىسى كەلەتىن قىزدار.

جىگىتتەر قاۋىمىنا نازىك جاندىلاردىڭ كوز جاسىن كولدەتۋى قاتتى باتادى. جىگىتتەردىڭ ايانىش سەزىمىن كوز جاسپەن وياتۋعا بولادى دەپ ويلايتىن قىزدار وسى تۋراسىندا قاتتى قاتەلەسەدى. ولار قاشان كورسەڭ جانارىنان جاس ارىلماي جىلاي بەرەتىن «جۇرەگى جۇمساق» قىزداردان گورى وزىنە دە، وزگەگە دە كوتەرىڭكى كوڭىل- كۇي سىيلايتىن اشىق- جارقىن جۇرەتىن قىزداردى تاڭدايدى.

ءوز بويىن كۇتە المايتىن قىزدار. تابيعاتتىڭ سىيلاعان ءتانى مەن جانىن تازا كۇتە المايتىن، ۇستىنەن جاعىمسىز ءيىس شىعىپ، كۇتىمسىز كىر كيىممەن جۇرەتىن تازالىققا جانى قاس قىزداردان جىگىتتەر ات-تونىن الا قاشادى. لاس ادام ەشكىمگە ۇنامايدى. اسىرەسە، ايەلدەر قاۋىمىنىڭ وزىنە-ءوزى قاراماي، قالاي بولسا سولاي ءجۇرۋىن «تابيعيلىعىن ساقتاعانى» دەپ ايتۋعا اۋىز بارمايدى.

بوقاۋىزعا شەبەر قىزدار. قىز بالاسىنىڭ شيەدەي ەرىندەرىنەن انايى سوزدەردىڭ شىعۋىن جۇپار ءيىستى گۇلدەردىڭ كۇلتەلەرىن قۇرت- قۇمىرسقا باسىپ كەتۋىمەن سالىستىرۋعا بولادى. ءيا، ونداي گۇلدەر كورگەن كوزگە - ادەمى-اق... ءبىراق ولاردى قولىڭا ۇستاي دا، يىسكەي دە المايسىڭ.

ارىن ساۋدالايتىن قىزدار. ايەل ادامنىڭ ارى - ونىڭ ايناسى، ونىڭ ابىرويى مەن ءومىرى. ونى ساقتاي الماي، ارى مەن قوسا جانى مەن ءتانىن لاستاعان بويجەتكەندەردەن دەنى دۇرىس جىگىت قاشاتىنى انىق. مۇنداي قىزدارعا جىگىتتەردىڭ كوزقاراسى مۇلدە بولەك. كولدەنەڭ كوزدىنىڭ بارىنە كوزىن قىسىپ، قاسىنان وتكەننىڭ بارىنە قىلىمسيتىن قىزدان قانداي دەنى دۇرىس كەلىنشەك، قانداي ءجونى ءتۇزۋ انا شىعادى ەكەن؟..

جىگىتىن وكشەسىنە بايلاپ العىسى كەلەتىن قىزدار. ەر ادام قاشان دا ەركىندىككە قۇمار. ولاردى ايەل ەمەس، تەك ساناسى مەن سابىرى عانا باسقارا الادى. ايەلدىڭ وكشەسىنە تۇساۋلانىپ ءومىر ءسۇرۋدى كوپ جىگىت قالاي بەرمەيدى. ەركەككە سالىنعان تۇساۋ ونىڭ ەركىندىگى مەن نامىسىنا، ابىرويى مەن ومىرىنە سالىنعان تۇساۋ بولىپ سانالادى. سوندىقتان جىگىتتەر قاۋىمى ءوزىن بيلەپ العىسى كەلەتىن قىزداردان مەيلىنشە قاشۋعا تىرىسادى.

وتىرىككە اۋەس قىزدار. ون اڭگىمەسىنىڭ توعىزىن وتىرىكپەن ورەتىن قىزدار دا جىگىتتەرگە جاقپايتىنى بەلگىلى. جىگىتتەر مۇنداي قىزدارعا سەنۋگە قورقادى. سوندىقتان وندايلاردان قاشىپ قۇتىلعىسى كەلەدى.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات