ماڭعىستاۋلىق اڭشىلاردى «يت جۇگىرتىپ، قۇس سالۋ» قىزىعى كۇتىپ تۇر

 استانا. قازاقپارات - «وتپان» تاريحي- مادەني كەشەنىنىڭ قىزمەتكەرلەرى جىل سايىنعى ءداستۇرلى جىرتقىش قۇستارمەن جانە تازىلارمەن اڭ اۋلاۋدى ۇيىمداستىرىپ جاتىر.

 كەشەن قىزمەتكەرلەرىنىڭ ايتۋىنشا، بۇل - «وتپاننىڭ» جەتىنشى رەت ۇيىمداستىرىپ جاتقان اڭشىلىق شاراسى، دەپ حابارلايدى قازاقپارات جەرگىلىكتى لادا. ك ز سايتىنا سىلتەمە جاساپ.

ءىس- شاراعا مۇنايلى جانە قاراقيا اۋداندارىنىڭ، سونداي- اق ماڭعىستاۋ اۋدانىنىڭ اڭشىلارى قاتىسپاق. ولار بۇركىتتەرمەن جانە تازىلارمەن اڭ اۋلايدى.

«قازاقتىڭ ءبىر قىزىعى - بۇركىت، تازى» اتتى ءىس- شارا ۇمىتىلىپ بارا جاتقان كوشپەندىلەر اڭشىلىعىن ناسيحاتتايدى. «وتپان» تاريحي- مادەني كەشەنى ءبىزدىڭ بۇركىتشىلەردى ناسيحاتتاۋعا وڭ سەرپىن بەرۋدە» ، - دەدى كەشەن قىزمەتكەرى.

وبلىستىق ورمان شارۋاشىلىعى جانە جانۋارلار الەمى ينسپەكتسياسىنىڭ حابارلاۋىنشا، اڭشىلىق ماۋسىمى ماڭعىستاۋدا 3 - قىركۇيەكتە باستالعان جانە 2019 -جىلدىڭ 15 - اقپانىنا دەيىن جالعاسادى. جانۋارلار مەن قۇستاردىڭ 10 ءتۇرىن، سونىڭ ىشىندە  4700 قويان، 170 تۇلكى جانە 140 قارساق اتۋعا رۇقسات ەتىلگەن.

 اڭشىلىق شاراسى 19 - قاڭتار كۇنى ساعات 11:00 دە باتىس قاراتاۋ ماڭىندا باستالادى.