قوس ءمۇيىزدى ەسكەندىر پاتشا

None
None
نۇر-سۇلتان. قازاقپارات- ايگىلى ەسكەندىر پاتشانىڭ باسىندا قوس ءمۇيىزى بولسا كەرەك. ءبىراق مۇنى ءتىرى جان بىلمەيدى ەكەن. سەبەبى شاشىن الدىرعان سايىن سول شاشىن العان ادامنىڭ باسىن شاپتىرتىپ تاستاپ وتىرىپتى.

مۇنىڭ ءمانىسى، ەسكەندىرگە تۇسىندە ءبىر اۋليە ايان بەرىپ: «ەگەر شاشىڭدى الۋشىدان باسقا ادام ءمۇيىزىڭنىڭ بار ەكەنىن بىلسە، سول كۇنى جارىق جالعانمەن قوشتاساسىڭ!» - دەپ ەسكەر ءتىپتى دەيدى. وسىدان كەيىن- اق ساقتىق جاساپ، شاشىن الدىرتقان ادامىنىڭ باسىن كەستىرتە بەرگەن عوي.

وسىلايشا، ەسكەندىر توڭىرەگىندە قولىنىڭ ەبى بارلار سيرەيدى. ءبىر كۇنى شاش الۋ كەزەگى پاتشانىڭ جاقسى كورەتىن جاقىنىنا كەلسە كەرەك. سوندا ەسكەندىر سول جاقىنىنا شاشىن الدىرىپ بولىپ بىلاي دەپتى: «شارت بويىنشا، مەنىڭ ءمۇيىزىمدى كورگەن ادام بۇ دۇنيەمەن قوشتاسۋعا ءتيىستى ەدى. ءبىراق مەن ساعان تيىسپەيمىن. شاشىمدى تەك قانا وزىڭە الدىرتىپ تۇرامىن. تەك، ەسىڭدە بولسىن، ءمۇيىزىمنىڭ بار ەكەنىن ەكىنشى ادام بىلگەن كۇنى باسىڭ كەسىلەدى».

Картинки по запросу ескендір зұлқарнайын
وسىدان كەيىن- اق شاشتارازدان مازا كەتەدى. الدىمەن، ەسكەندىردىڭ قوس ءمۇيىزى جاتسا تۇسىنەن، تۇرسا ەسىنەن كەتپەي ەسى شىعىپ جۇرەدى. بارا- بارا بۇعان ەتى ۇيرەنىپ، ەندى ءوزى عانا بىلەتىن جاڭالىقتى جۇرتقا ايتقىسى كەلگەن ءبىر سەزىم بيلەيدى. ءبىراق ايتايىن دەسە، جانىنان قورقادى، ايتپايىن دەسە، ىشىنەتولعان قۇپيا سىر شىداتپايدى. اقىرى، امالى تاۋسىلعاندىقتان پاتشا سارايىنداعى جەتى جۇرتتىڭ ءتىلىن بىلەتىن تاۋىپكە كەلىپ، ءوزىنىڭ دەرتتى بولعانىن ايتادى. ءتاۋىپ بولسا، ءارى- بەرى قاراعاننان كەيىن: «دەرتىڭ اۋىر بولعانمەن، ەمى جەڭىل. ىشىڭە تولعان ءبىر قۇپيا سىر بارەكەن. سول سىردى سىرتقا شىعارۋ ءۇشىن ەلسىز- كۇنسىز ءبىر جەرگە بارىپ، باسىڭدى ويعا قارات تا، ىشىڭە تولعان ءسوزدى ايتۋىڭ قاجەت. جاي ايتپايسىڭ، ارينە، اۋزىڭنان سىلەكەيىڭ شۇبىرىپ، ءىشىڭ ورتايعانشا قايتالايسىڭ. تەك، داۋسىڭدى ەشكىم ەستىمەيتىن بولسىن. بىرەۋ- مىرەۋ ەستىسە، باسىڭا قاتەر!» - دەيدى.

شاشتاراز ءتاۋىپتىڭ ايتقانىن بۇلجىتپاي ورىندايدى. ەلسىز- كۇنسىز جەردەگى ءبىر قۇرعاعان قۇدىقتى تاۋىپ الىپ، باسىن سول قۇدىققا سالبىراتا تۇسىرەدى دە. «ەسكەندىردىڭ باسىنداقوس ءمۇيىز بار! ەسكەندىردىڭ باسىندا قوس ءمۇيىز بار!.. « - دەپ، جانىن جەگىدەي جەگەن ءسوزدى ءىشى ورتايعانشا قايتالايدى. وسىلايشا، ايىنا ەكى رەت ەلسىزدەگى قۇدىققا كەلىپ، ىشىنە تولعان ءسوزىن قايتالاپ، دەرتىن جەڭىلدەتىپ جۇرەدى. جاقىنىنىڭ اۋزى بەرىكتىگىنە پاتشا دا ريزا، كۇتپەگەن كەسەلدەن وڭاي قۇتىلىپ جۇرگەنىنە شاشتاراز دا ريزا بولىپ ءجۇرىپ جاتادى عوي.

كۇندەردىڭ ءبىر كۇنىندە، شاشتاراز بارىپ جۇرەتىن قۇر قۇدىقتىڭ باسىنا الدەقايدان كەلە جاتقان كەرۋەن توقتايدى. ەل كەزگەن كەرۋەنشىلەردىڭ ىشىندە نەشە ءتۇرلى قابىلەتتىڭ ادامدارى بولاتىن ادەت ەمەس پە. مىنا كەرۋەنشىلەردىڭ ىشىندە دە جۇرتتان اسقان ءبىر سىبىزعىشى بار ەدى دەيدى. سول سىبىزعىشى ەرىگىپ وتىرىپ قۇر قۇدىقتىڭ تۇبىنە قارايدى دا، وندا ءوسىپ تۇرعان قامىستى كورەدى. بۇل قامىس، الگى دەرتتى شاشتارازدىڭ اۋزىنان اقتارىلعان سىلەكەيدەن ءنار الىپ وسسە كەرەك. سول جەردە، سىبىزعىشى جىگىت قۇدىققا قارعىپ تۇسەدى دە، ءبىر ساباق قامىستى جۇلىپ الىپ، سىبىزعى جاسايدى.

ەسكەندىر پاتشا قۇپياسى وسى جەردە كەرەمەتىن كورسەتەدى. كەرۋەنشى جىگىت سىبىزعىسىن ويناتايىن دەسە، سىبىزعىسى «ەسكەندىردىڭ باسىندا قوس ءمۇيىز بار!» دەپ ادامشا سويلەپ قويا بەرەدى. كەرۋەنشى جىگىت ءوز قۇلاعىنا ءوزى سەنبەي، سىبىزعىنى قايتا ويناتىپ كورسە، جاڭاعى ءسوز تاعى دا قايتالانادى. سول جەردە باسقا كەرۋەنشىلەر دە مۇنداي عاجاپقا تاڭ قالسا، ەكىنشىلەرى الەمگە داڭقى ايگىلى پاتشانىڭ سىرتىنان عايبات ءسوز ايتىلعانداي سەكەم الىسادى.

تاعدىردىڭ بۇيرىعى بويىنشا، قۇپياسى جاريا بولعان ەسكەندىر سول كۇنى جارىق جالعانمەن ماڭگىلىككە قوشتاسىپ ەدى دەيدى.

بۇل وقيعا كەرۋەنشى جىگىتتىڭ سىبىزعىسى ارقىلى دۇنيەنىڭ ءتورت بۇرىشىنا كۇي بولىپ تاراسا كەرەك.

www.madeniportal.kz


سوڭعى جاڭالىقتار