زاڭ جوباسى: اۋىل مەن قالا مۇعالىمدەرىنە قانداي الەۋمەتتىك قولداۋ كورسەتىلەدى
بۇل تۋرالى بۇگىن ەلورداداعى №59 -مەكتەپتە وتكەن قوعامدىق تىڭداۋ بارىسىندا ق ر ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم دەپارتامەنتى ديرەكتورىنىڭ ورىنباسارى ساۋلە قابيمولدايەۆا ايتتى، دەپ حابارلايدى قازاقپارات ءتىلشىسى.
«اۋىلدىق جەردە جۇمىس ىستەيتىن پەداگوگتارعا جەرگىلىكتى اتقارۋشى ورگانداردىڭ شەشىمىمەن قالالىق جاعدايدا جۇمىس ىستەيتىن ستاۆكالارىمەن تەڭدەي تاريفتىك ستاۆكا مەن جالاقىسىنا كەمىندە 25 پايىزدىق ۇستەمەاقى بەلگىلەنەدى. كوممۋنالدىق قىزمەتتەرگە تولەم جاساۋ، بيۋدجەت قاراجاتى ەسەبىنەن وتىن ساتىپ الۋ بويىنشا الەۋمەتتىك قولداۋ كورسەتىلىپ، جەكە باسپانا سالۋعا جەر ۋچاسكەسى بولىنەدى»، - دەدى ول.
سونىمەن قاتار اۋىل مۇعالىمدەرىنىڭ قوراسىندا مالى بولسا جەم-شوبىنە كومەك كورسەتىلىپ، مال جايىلىمى بەلگىلەنەدى. اۋىلعا جۇمىس ىستەۋ ءۇشىن قونىس اۋدارىپ كەلگەن مۇعالىمگە جەرگىلىكتى اكىمدىكتىڭ شەشىمىمەن كوتەرمە جاردەماقى بەرىلىپ، باسپانا ساتىپ الۋعا نەمەسە سالۋعا الەۋمەتتىك قولداۋ كورسەتىلەدى. پەداگوگقا جەرگىلىكتى بيۋدجەت ەسەبىنەن كۇنتىزبەلىك جىلدا ءبىر رەت ساۋىقتىرۋ جاردەماقىسى تولەنەدى جانە كەمىندە ەكى لاۋازىمدىق جالاقى تولەنىپ، كەزەكتى ەڭبەك دەمالىسى بەرىلەدى.
«جەرگىلىكتى اتقارۋشى ورگاننىڭ شەشىمىمەن قازاقستان استاناسىندا جۇمىس ىستەيتىن پەداگوگتارعا لاۋازىمدى جالاقىسىنىڭ 25 پايىزىنان كەم ەمەس كولەمدە لاۋازىمدى جالاقىعا كوەففيسيەنت بەلگىلەنەدى»، - دەدى ديرەكتوردىڭ ورىنباسارى.