قاراعاندىداعى جاعداي تۋرالى بيلىك: جانجال ۇلتارالىق سيپات الماعانىن حابارلايمىز
كەزدەسۋ بارىسىندا تەرگەۋدىڭ جۇرگىزىلۋ بارىسى جونىندە تۇسىنىكتەمەلەر بەرىلدى.
بۇل ۋاقىتتا پوليتسيا دەپارتامەنتىنىڭ الدىندا اقپاراتتىڭ حابارلانۋىن كۇتكەن 200-230 ادام جينالدى.
جينالعانداردىڭ الدىندا قاراعاندى وبلىسىنىڭ اكىمى ەرلان قوشانوۆ ءسوز سويلەپ، تەرگەۋدىڭ بارىسى جايلى جانە الداعى ۋاقىتتا ىسكە اسىرىلاتىن شارالار تۋرالى تولىق اقپارات بەردى. اكىم تەرگەۋ شارالارىنىڭ ق ر باس پروكۋرورىنىڭ جەكە باقىلاۋىنا الىنعاندىعىن جانە بارلىق كىنالى تۇلعالاردىڭ جازالاناتىنىن قاداپ ايتتى.
بيلىك اتالعان پروتسەستىڭ وبەكتيۆتى جانە بارىنشا اشىق وتەتىنىنە ۋادە بەردى. قازىرگى ۋاقىتتا قۇقىق قورعاۋ ورگاندارى تاراپىنان ق ر قىلمىستىق كودەكسىنىڭ ادام ءولتىرۋ جانە بۇزاقىلىق باپتارى بويىنشا قىلمىستىق ءىس قوزعالدى. بۇگىنگى تاڭدا 8 قاتىسۋشى انىقتالدى، ونىڭ 7-ەۋى تۇتقىنعا الىندى، 1-ەۋىنە حالىقارالىق ىزدەۋ جاريالاندى.
جانجال ەكى كومپانيا اراسىندا بولعانىن جانە ۇلتارالىق سيپات الماعانىن حابارلايمىز.
«سونداي-اق ق ر قىلمىستىق كودەكسىنىڭ 274-بابى بويىنشا جالعان اقپارات تاراتۋ - بەس مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا، 7 جىلعا دەيىن باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالاناتىنىن ەسكەرتەمىز. كەزدەسۋ بارىسىندا ەشقانداي زاڭبۇزۋشىلىقتار تىركەلگەن جوق. قازىرگى ۋاقىتتا قالادا جانە وبلىستا جاعداي تۇراقتى، قوعامدىق ءتارتىپتىڭ بۇزىلۋىنا جول بەرىلگەن جوق»، - دەلىنگەن حابارلامادا.