استانا اكىمدىگى قاۋىپسىزدىك ءۇشىن مىڭنان استام ءۇيدىڭ گاز قۇبىرىن تەكسەرەدى

استانا. قازاقپارات - استانادا مىڭعا جۋىق تۇرعىن ءۇيدىڭ گاز تولتىرۋ قۇبىرلارى تەكسەرىلەدى. بۇل تۋرالى استانا قالاسى قالالىق ورتا ساپاسى جانە باقىلاۋ باسقارماسى كوتەرمە قۇرىلعىلاردى باقىلاۋ جانە گاز ينسپەكتسياسى ءبولىمىنىڭ جەتەكشىسى ماقسات ابىلوۆ حابارلادى.

«ەلوردا اكىمدىگى كوممۋنالدىق- تۇرمىستىق تۇتىنۋشىلاردىڭ ىشكى گازبەن قامتۋ جۇيەلەرىن تەكسەرۋدى باستادى. بۇگىندە استانادا ورتالىقتاندىرىلعان گازبەن قامتۋ جۇمىستارى 1400 رەزەرۆۋار ارقىلى جۇزەگە اسۋدا. 1080 كوپپاتەرلى ۇيدە 80 مىڭنان استام پاتەر گاز تۇتىنادى. ءبىر ايدا ساراپشىلار ۇيىمى مەن استانانىڭ تاۋەلسىز گاز ماماندارى قاۋىمداستىعىن تارتىپ، بارلىق گاز بەرۋ ورىندارى تەكسەرىلەدى»، - دەدى ماقسات ابىلوۆ.

ونىڭ ايتۋىنشا، تەكسەرۋ جۇمىستارىنان كەيىن تابىلعان اقاۋلاردى جوندەۋ تۋرالى پاتەر يەلەرى كووپەراتيۆىنە نۇسقاۋ بەرىلەدى. بۇل رەتتە اقاۋلاردى تۇرعىنداردىڭ ءوزى رەتتەۋى ءتيىس، سەبەبى زاڭناماعا سايكەس، پودەزد ىشىندەگى گاز قۇبىرلارى ورتاق پايدالانۋعا بەرىلگەن ينجەنەرلىك جۇيەلەر بولىپ سانالادى.

«ازىرگە اكىمشىلىك شارا قولدانبايتىن تەكسەرۋ جۇرگىزۋدەمىز. سۇيىتىلعان گازدى قولدانۋدا تۋىندايتىن توتەنشە جاعدايدىڭ الدىن الۋ بويىنشا ءتۇسىندىرۋ جۇمىستارى جۇرگىزىلەدى. قاڭتار ايىندا ەڭ الدىمەن پودەزد ىشىندەگى گاز قۇبىرلارى تەكسەرىلەدى. كەيىنىرەك رەزەرۆۋارلىق قوندىرعىلار - 1400 جەراستى رەزەرۆۋارىن قامتيتىن 340 گازگولدەر نازارعا الىنادى»، - دەدى ول.

ايتا كەتەيىك، بۇگىن استانا اكىمى باقىت سۇلتانوۆ ت ج دەپارتامەنتىنە قالاداعى بارلىق گاز تولتىرۋ ستانتسيالارىن تەكسەرۋدى تاپسىردى.

ەسكە سالا كەتسەك، 2 -قاڭتاردا كەشكە اقجول كوشەسى، 26 -مەكەن-جايى بويىنشا ورنالاسقان جەكە گاز تولتىرۋ ستانسياسى اۋماعىندا سىيىمدىلىعى 5 تەكشە مەتردى قۇرايتىن سيستەرنا ورتەنگەن بولاتىن. وسىنىڭ سالدارىنان ستانسيا ماڭىنداعى قويمانىڭ شاتىرى ءبۇلىنىپ، جاتاقحانا تەرەزەلەرى سىنعان. سونىمەن بىرگە، 26 -جەلتوقساندا قالاداعى تۇرعىن ۇيلەردىڭ بىرىندە گازگولدەر جانعان بولاتىن.

«ارىپتەستەر، 31 -جەلتوقساندا ماگنيتوگورسك قالاسىندا 10 قاباتتى تۇرعىن ۇيدە گاز باللونى جارىلعانىن بىلەسىزدەر. ادامدار قايتىس بولدى. وسىنداي جاعدايدىڭ الدىن الۋ ماقساتىندا ت ج د- نە، يندۋستريالىق دامۋ جانە ونەركاسىپتىك قاۋىپسىزدىك كوميتەتى دەپارتامەنتىنە اتالعان جاعدايلارعا بايلانىستى تەكسەرىس جۇرگىزىپ، قالاداعى بارلىق گاز قۇيۋ ستانسيالارىن تەكسەرۋدى تاپسىرامىن. ونىڭ ناتيجەسى بويىنشا ماعان ەسەپ بەرەتىن بولاسىزدار»، - دەدى باقىت سۇلتانوۆ.