جوق ادامدى جۇمىسقا تۇرعىزعان ۆەلوسپورت ورتالىعىنىڭ باسشىسى ۇستالدى
بۇل تۋرالى بۇگىن استانادا وتكەن باسپا ءسوز ءماسليحاتىندا بەلگىلى بولدى، دەپ حابارلايدى قازاقپارات ءتىلشىسى.
«سىبايلاس جەمقورلىققا قارسى ءىس-قيمىل ۇلتتىق بيۋروسى مادەنيەت جانە سپورت مينيسترلىگى «ۆەلوسپورت بويىنشا دايارلاۋ ورتالىعى» رەسپۋبليكالىق مەملەكەتتىك كاسىپورنىنىڭ باسشىسىنا قاتىستى قىلمىستىق ءىستى تەرگەۋدە. ول ورتالىقتا ءىس جۇزىندە جۇمىس ىستەمەگەن تۇلعالارعا ەڭبەكاقىنى ەسەپتەۋ، سونداي-اق زاڭسىز ۇستەمەاقىلاردى تولەۋ ارقىلى اقشا جىمقىردى دەگەن كۇدىككە ءىلىندى»، - دەدى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قوعاممەن بايلانىس جونىندەگى دەپارتامەنتىنىڭ ديرەكتورى ارمان بەردالين.
ونىڭ ايتۋىنشا، قازىرگى ۋاقىتتا اتالمىش ءىس بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
ەسكە سالا كەتسەك، اتالمىش باسپا ءسوز ءماسليحاتى بارىسىندا ارمان بەردالين پارا الدى دەگەن كۇدىكپەن رەسپۋبليكانىڭ ءبىرقاتار وبلىستارىندا مەملەكەتتىك ورگانداردىڭ وكىلدەرى ۇستالعانىن حابارلاعان بولاتىن.