قازاقستان رەسپۋبليكاسىنىڭ ازاماتتىعىنا قابىلداۋدىڭ تارتىبىنە وزگەرىستەر ەنگىزىلدى
«قازاقستان رەسپۋبليكاسىنىڭ ازاماتتىعىنا قابىلداۋدىڭ وڭايلاتىلعان ءتارتىبى بەلگىلەنەتىن ادامدار ءۇشىن كاسىپتەردىڭ تىزبەسىن جانە ولارعا قويىلاتىن تالاپتاردى بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2005 -جىلعى 6 ماۋسىمداعى № 1587 جارلىعىنا وزگەرىستەر مەن تولىقتىرۋلار ەنگىزۋ تۋرالى
«قازاقستان رەسپۋبليكاسىنىڭ ازاماتتىعى تۋرالى» 1991 -جىلعى 20 - جەلتوقسانداعى قازاقستان رەسپۋبليكاسى زاڭىنىڭ 16-بابىنا سايكەس قاۋلى ەتەمىن:
1. «قازاقستان رەسپۋبليكاسىنىڭ ازاماتتىعىنا قابىلداۋدىڭ وڭايلاتىلعان ءتارتىبى بەلگىلەنەتىن ادامدار ءۇشىن كاسىپتەردىڭ تىزبەسىن جانە ولارعا قويىلاتىن تالاپتاردى بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2005 -جىلعى 6 - ماۋسىمداعى № 1587 جارلىعىنا (قازاقستان رەسپۋبليكاسىنىڭ پ ۋ ا ج- ى، 2005 ج. , № 23, 284-قۇجات) مىناداي وزگەرىستەر مەن تولىقتىرۋلار ەنگىزىلسىن:
جوعارىدا اتالعان جارلىقپەن بەكىتىلگەن قازاقستان رەسپۋبليكاسىنىڭ ازاماتتىعىنا قابىلداۋدىڭ وڭايلاتىلعان ءتارتىبى بەلگىلەنەتىن ادامدار ءۇشىن كاسىپتەردىڭ تىزبەسى جانە ولارعا قويىلاتىن تالاپتاردا:
رەتتىك ءنومىرى 6 - جانە 10-جولدار مىناداي رەداكسيادا جازىلسىن:
6. دارىگەر
مەديتسينا سالاسىنداعى عىلىمي دارەجەسى مەن اتاعىنىڭ، عىلىمي- زەرتتەۋ جۇمىستارىنىڭ جانە حالىقارالىق ماڭىزى بار ىزدەنىستەرىنىڭ، حالىقارالىق سەرتيفيكاتتارىنىڭ بولۋى، سونداي- اق ماماندانۋىنا سايكەس:
1. اكۋشەرلىك پەن گينەكولوگيا؛
انگيوحيرۋرگيا؛
انەستەزيولوگيا- رەانيماتولوگيا؛
كارديوحيرۋرگيا؛
نەيروحيرۋرگيا؛
ونكولوگيا؛
ونكوگەماتولوگيا؛
وتورينولارينگولوگيا؛
راديولوگيا؛
ترانسپلانتولوگيا؛
فارماكولوگيا جانە كلينيكالىق فارماكولوگيا؛
جاق- بەت حيرۋرگياسى سالاسىنداعى دياگنوستيكا مەن ەمدەۋدىڭ؛
2. فارماكوگەنەتيكا سالاسىنداعى فارماكوگەنوميكانىڭ وزىق ادىستەرىن مەڭگەرۋى
» ؛
«
10.نۇسقاۋشى- سپورتشى
سپورتشىدا وليمپيادا ويىندارىندا بىرىنشىدەن التىنشىعا دەيىنگى ورىندى نەمەسە الەم چەمپيوناتتارىندا بىرىنشىدەن ۇشىنشىگە دەيىنگى ورىندى نەمەسە ازيا ويىندارىندا بىرىنشىدەن ۇشىنشىگە دەيىنگى ورىندى نەمەسە ەۋروپا چەمپيوناتتارىندا بىرىنشىدەن ۇشىنشىگە دەيىنگى ورىندى نەمەسە سپورتتىڭ وليمپيادالىق تۇرلەرى بويىنشا الەم كۋبوگى فينالدارىندا ءبىرىنشى ورىندى نەمەسە ازيا، ەۋروپا چەمپيوناتتارىندا، دۇنيەجۇزىلىك ۋنيۆەرسيادالاردا، دۇنيەجۇزىلىك جاسوسپىرىمدەر مەن يۋنيورلار ويىندارىندا بىرىنشىدەن ۇشىنشىگە دەيىنگى ورىندى يەلەنگەن، سونداي- اق باسقا دا ماڭىزدى حالىقارالىق جارىستاردا بىرىنشىدەن ۇشىنشىگە دەيىنگى ورىندى يەلەنگەن كەمىندە حالىقارالىق بىلىكتىلىكتىڭ سپورت شەبەرى سپورتتىق اتاعىنىڭ نە حالىقارالىق دەڭگەيدەگى سپورتتىق بىلىكتىلىگىنىڭ بولۋى
» ؛
مىناداي مازمۇنداعى رەتتىك نومىرلەرى 25, 26, 27, 28, 29, 30, 31, 32, 33, 34, 35, 36, 37, 38, 39 جانە 40-جولدارمەن تولىقتىرىلسىن:
«
25.
دەنساۋلىق ساقتاۋ سالاسىنداعى مامان
مەديتسينا سالاسىنداعى عىلىمي دارەجەسى مەن اتاعىنىڭ، عىلىمي- زەرتتەۋ جۇمىستارىنىڭ جانە حالىقارالىق ماڭىزى بار ىزدەنىستەرىنىڭ، حالىقارالىق سەرتيفيكاتتارىنىڭ بولۋى، سونداي- اق ماماندانۋىنا سايكەس بيوينفورماتيكا سالاسىنداعى بيومەديتسينالىق دەرەكتەردى تالداۋدىڭ وزىق ادىستەرىن مەڭگەرۋى
26. بيزنەس- تالداۋشى
بيزنەس- تالداۋ پراكتيكالارى بويىنشا حالىقارالىق تانىلعان سەرتيفيكاتىنىڭ جانە بيزنەس- پروتسەستەرگە تالداۋ جۇرگىزۋ مەن مودەلدەۋ سالاسىنداعى ماماندىق بويىنشا كەمىندە ءۇش جىل جۇمىس تاجىريبەسىنىڭ بولۋى
27. جۇيەلىك ارحيتەكتور
عىلىمي دارەجەسى مەن اتاعىنىڭ، حالىقارالىق سەرتيفيكاتتاردىڭ جانە باعدارلامالىق قامتىلىم ارحيتەكتۋراسىن ازىرلەۋ مەن جوبالاۋ بويىنشا كەمىندە ءۇش جىل جۇمىس تاجىريبەسىنىڭ بولۋى
28. باعدارلامالىق قامتىلىم ازىرلەۋشىسى
عىلىمي دارەجەسى مەن اتاعىنىڭ، ماماندىعى بويىنشا بىلىكتىلىگىن راستايتىن حالىقارالىق تانىلعان سەرتيفيكاتىنىڭ؛ اقپاراتتىق- كوممۋنيكاتسيالىق جانە ءادديتيۆتى تەحنولوگيالاردى قولدانا وتىرىپ، زەرتتەۋلەردى، ازىرلەمەلەردى، باعدارلامالاۋدى جانە تەستىلەۋدى قوسا العاندا، باعدارلامالىق قامتىلىمدى ازىرلەۋ بويىنشا كەمىندە ءۇش جىل جۇمىس تاجىريبەسىنىڭ بولۋى
29. اقپاراتتىق تەحنولوگيالار سالاسىنداعى جوبالىق مەنەدجەر
عىلىمي دارەجەسى مەن اتاعىنىڭ، جوبالىق مەنەدجمەنت سالاسىنداعى حالىقارالىق تانىلعان سەرتيفيكاتتارىنىڭ؛ اقپاراتتىق تەحنولوگيالار سالاسىنداعى جوبالاردى باسقارۋ بويىنشا كەمىندە ءۇش جىل جۇمىس تاجىريبەسىنىڭ بولۋى
30.روبوت تەحنيكاسى جونىندەگى مامان
ماماندىعى بويىنشا بىلىكتىلىگىن راستايتىن حالىقارالىق تانىلعان سەرتيفيكاتىنىڭ؛ روبوتتاردى باعدارلامالاۋ جانە مودەلدەۋ بويىنشا جۇمىس تاجىريبەسىنىڭ بولۋى
31. اقپاراتتىق تەحنولوگيالار سالاسىنداعى ديزاينەر
ماماندىعى بويىنشا بىلىكتىلىگىن راستايتىن حالىقارالىق تانىلعان سەرتيفيكاتىنىڭ، ينفوگرافيكا، ۆيرتۋالدى الەم بويىنشا ديزاين سالاسىندا كەمىندە ءۇش جىل جۇمىس تاجىريبەسىنىڭ بولۋى
32. اقپاراتتىق قاۋىپسىزدىك جونىندەگى مامان
عىلىمي دارەجەسى مەن اتاعىنىڭ، ماماندىعى بويىنشا بىلىكتىلىگىن راستايتىن حالىقارالىق تانىلعان سەرتيفيكاتىنىڭ؛ اقپاراتتى قورعاۋدى قامتاماسىز ەتۋ، اقپاراتتى قورعاۋ جۇيەلەرىن ازىرلەۋ جانە سۇيەمەلدەۋ، اقپاراتتىق قاۋىپسىزدىكتى باسقارۋ جانە قامتاماسىز ەتۋ پروتسەسىن باقىلاۋ بويىنشا كەمىندە ءۇش جىل جۇمىس تاجىريبەسىنىڭ بولۋى
33. اقپاراتتىق قاۋىپسىزدىك جونىندەگى اۋديتور
عىلىمي دارەجەسى مەن اتاعىنىڭ، ماماندىعى بويىنشا بىلىكتىلىگىن راستايتىن حالىقارالىق تانىلعان سەرتيفيكاتىنىڭ؛ اقپاراتتاندىرۋ وبەكتىلەرىنىڭ اقپاراتتىق قاۋىپسىزدىك، اقپاراتتىق قاۋىپسىزدىك ءاۋديتىن جوسپارلاۋ جانە باقىلاۋ تالاپتارىنا سايكەستىگىنە اۋديت جۇرگىزۋ بويىنشا كەمىندە ءۇش جىل جۇمىس تاجىريبەسىنىڭ بولۋى
34. اقپاراتتى قورعاۋ جونىندەگى ينجەنەر
عىلىمي دارەجەسى مەن اتاعىنىڭ، ماماندىعى بويىنشا بىلىكتىلىگىن راستايتىن حالىقارالىق تانىلعان سەرتيفيكاتىنىڭ؛ اقپاراتتى قورعاۋ جۇيەسىن ازىرلەۋ مەن سۇيەمەلدەۋ، اقپاراتتى قورعاۋ قۇرالدارىن ورناتۋ، كۇيىن كەلتىرۋ جانە جۇمىس ىستەۋىن قامتاماسىز ەتۋ بويىنشا كەمىندە ءۇش جىل جۇمىس تاجىريبەسىنىڭ بولۋى
35. جوعارى وقۋ ورىندارىنىڭ وقىتۋشىسى
ءتيىستى سالاداعى كەمىندە ماگيستردىڭ اكادەميالىق دارەجەسىنىڭ، الەمدىك اكادەميالىق رەيتينگتەردىڭ العاشقى 100 (ءجۇز) قاتارىنا كىرەتىن جوعارى وقۋ ورىندارىندا كەمىندە بەس جىل جۇمىس تاجىريبەسىنىڭ بولۋى
36. عىلىمي قىزمەتكەر
(ءبىلىم بەرۋ تەحنولوگيالارى، ينجەنەريا، جوبالىق باسقارۋ، اگرارلىق عىلىمدار، مەديتسينا، بيوتەحنولوگيالار، اقپاراتتىق تەحنولوگيالار، قارجى جانە ەكونوميكا سالالارىندا)
عىلىم دوكتورى عىلىمي دارەجەسىنىڭ جانە حالىقارالىق ماڭىزدى عىلىمي- زەرتتەۋ جۇمىستارىنىڭ جانە ىزدەنىستەرىنىڭ؛ حالىقارالىق تانىلعان عىلىمي ينستيتۋتتاردا، زەرتحانالاردا جانە الەمدىك اكادەميالىق رەيتينگتەردىڭ العاشقى 100 (ءجۇز) قاتارىنا كىرەتىن جوعارى وقۋ ورىندارىندا كەمىندە ون جىل جۇمىس تاجىريبەسىنىڭ بولۋى
37. بيواقپارات، مولەكۋليارلى بيوتەحنولوگيا مەن بيوينجەنەريا سالاسىنداعى مامان (گەنەتيكا، سيتولوگيا، جانۋارلار مەن وسىمدىكتەردىڭ سەلەكتسياسى)
«بيوينجەنەريا مەن بيواقپارات» سالاسىنداعى عىلىم دوكتورى عىلىمي دارەجەسىنىڭ نەمەسە ماگيسترى اكادەميالىق دارەجەسىنىڭ؛ گەنومدى دياگنوستيكا، گەندىك ينجەنەريا، ترانسگەنوز بەن بيوتەحنولوگيا ادىستەرىن يگەرۋ بويىنشا بىلىكتىلىگىن راستايتىن حالىقارالىق تانىلعان سەرتيفيكاتىنىڭ؛ حالىقارالىق تانىلعان عىلىمي ينستيتۋتتاردا نەمەسە زەرتحانالاردا نەمەسە جوعارى وقۋ ورىندارىندا زەرتتەۋلەردى جۇرگىزۋدە، بيولوگيالىق وبەكتىلەر، سالىستىرمالى گەنوميكادا كومپيۋتەرلىك تالداۋدىڭ ماتەماتيكالىق ادىستەرى بويىنشا اقپاراتتىڭ ۇلكەن اۋقىمىن وڭدەۋ جانە كەيىننەن تالداۋ جۇرگىزۋدە كەمىندە بەس جىل جۇمىس تاجىريبەسىنىڭ، سونداي- اق الگوريتمدەر مەن باعدارلامالاردى ازىرلەۋدە (ماعىناسى اشىلعان گەنومدار، بيومولەكۋلالاردىڭ كەڭىستىكتى قۇرىلىمدارى، بيولوگيالىق وبەكتىلەردىڭ ءوزارا ءىس- قيمىلى) جۇمىس تاجىريبەسىنىڭ (وسى تارماقتا جوعارىدا اتالعان كولەمدە جانە تالاپتاردا) بولۋى
38. اگروونەركاسىپتىك كەشەندى مودەلدەۋ جۇيەلەرىن مونيتورينگتەۋ جانە سيفرلاندىرۋ سالاسىنداعى مامان قازىرگى زامانعى گەواقپاراتتىق جۇيەلەر جانە ءارتۇرلى دەرەككوزدەردەن الىناتىن اۋقىمدى دەرەكتەر سالاسىنداعى ماماندىعى بويىنشا بىلىكتىلىكتى راستايتىن حالىقارالىق سەرتيفيكاتتارىنىڭ؛ وبەكتىنىڭ ورنالاسقان جەرى تۋرالى، گەوگرافيالىق جانە ەكولوگيالىق ەرەكشەلىكتەرى، بەدەرىنىڭ پىشىندەرى، توپىراق، وسىمدىكتەر، گيدرولوگيا تۋرالى دەرەكتەردى جيناۋ جانە تالداۋ بويىنشا كەمىندە ءۇش جىل جۇمىس تاجىريبەسىنىڭ بولۋى؛ قاشىقتىقتان باسقارىلاتىن اۆتوماتتاندىرىلعان اۋىل شارۋاشىلىعى قۇرالىمدارىن قۇرا ءبىلۋى
39. اۆتوماتتاندىرۋ جانە باسقارۋ سالاسىنداعى مامان
عىلىمي دارەجەسى مەن اتاعىنىڭ، بىلىكتىلىگىن راستايتىن حالىقارالىق تانىلعان سەرتيفيكاتىنىڭ؛ تابيعي رەسۋرستاردى، ونىڭ ىشىندە اۋىل شارۋاشىلىعى ءونىمىنىڭ اينالىمىن، جانۋارلار جانە وسىمدىكتەر الەمىنىڭ قورعالۋىن، مولايۋى مەن پايدالانىلۋىن مونيتورينگتەۋدى اۆتوماتتاندىرۋدىڭ باقىلاۋ جانە باسقارۋ جۇيەلەرى مەن قۇرالدارىن الگوريتمدىك، اقپاراتتىق جانە باعدارلامالىق قامتاماسىز ەتۋدى جاساۋ مەن قولدانۋ بويىنشا؛ ەرەكشە قورعالاتىن تابيعي اۋماقتاردى مونيتورينگتەۋ بويىنشا، تابيعي رەسۋرستاردى، اۆتونومدى جۇيەلەردى، ادامدى ەنەرگيانى، ماتەريالدار مەن اقپاراتتى الۋ، وڭدەۋ، بەرۋ جانە پايدالانۋ پروتسەسىنە تىكەلەي قاتىسۋدان ءىشىنارا نەمەسە تولىق بوساتاتىن تەحنولوگيالىق جەلىلەر مەن پروتسەستەردى پايدالانۋ جانە قورعاۋ سالاسىندا ەسەپ جۇرگىزۋ بويىنشا كەمىندە ءۇش جىل جۇمىس تاجىريبەسىنىڭ بولۋى
40. اۋىل شارۋاشىلىعى ماشيناسىن جاساۋ، تەحنيكانى GPS كومەگىمەن باسقارۋ سالاسىنداعى مامان
عىلىمي دارەجەسى مەن اتاعىنىڭ، بىلىكتىلىگىن راستايتىن حالىقارالىق تانىلعان سەرتيفيكاتىنىڭ؛ 3D مودەلدەۋدى پايدالانۋ بويىنشا جانە اۋىل شارۋاشىلىعى ماشينالارىن جوبالاۋ مەن جاساۋ كەزىندەگى سيفرلىق باعدارلامالىق باسقارۋ، روبوت تەحنيكاسىن قولدانۋ جانە GPS- باسقارۋمەن اۋىل شارۋاشىلىعى ماشينالارىن جاساۋ بويىنشا كەمىندە ءۇش جىل جۇمىس تاجىريبەسىنىڭ بولۋى
» .
2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن. نازاربايەۆ
استانا، اقوردا، 2018 -جىلعى 26 - جەلتوقسان
№ 814