ءتاج تاعۋعا شىققان سۇلۋلىق پاتشايىمى وتقا وراندى

  استانا. قازاقپارات - نيگەريادا وتكەن «افريكا ارۋى» بايقاۋىندا ماراپاتتاۋ ءراسىمى كەزىندە جەڭىمپاز بويجەتكەننىڭ شاشى جانىپ كەتتى دەپ حابارلايدى lenta.ru سايتى.

ءبىرىنشى ورىندى كونگو ازاماتشاسى 24 جاستاعى دوركاس كاسيندە العان. اتاقپەن قوسا وعان 35 مىڭ ا ق ش دوللارى مەن جول تالعامايتىن كولىك تارتۋ ەتىگەن.

ءتاجدى بوتسۆانالىق سۇلۋلىق پاتشايىمى «افريكا ارۋى-2017» تابىستاعان.

كاسيندە بۇرىنعى پاتشايىممەن قۇشاقتاسىپ تۇرعانىندا پاريگىنىڭ ۇستىنە وتشاشۋدىڭ شوعى ءتۇسىپ، باسىندا وت لاپىلداپ جانا باستاعان.

العاشىندا بويجەتكەن وتتى بايقاماعان.

وعان كومەككە سالتاناتتى ءراسىم جۇرگىزىشىسى ايەل مەن كورەرمەندەر كەلگەن.

ءورت سوندىرىلگەننەن كەيىن ءراسىم جالعاسقان.