استانادا جاڭادان سالىناتىن ونكولوگيالىق ورتالىق قانشا ادامعا ەم كورسەتەدى

None
None
استانا. قازاقپارات - بۇگىن استانادا جاڭا ۇلتتىق عىلىمي ونكولوگيالىق ورتالىقتىڭ سالىنۋىنا قاتىستى جۇمىس توبىنىڭ وتىرىسى ءوتتى، دەپ حابارلايدى قازاقپارات ءتىلشىسى.

 «بۇگىن ەلباسىنىڭ تاپسىرماسىمەن استانادا ۇلتتىق عىلىمي ونكولوگيالىق ورتالىقتى قۇرۋ بويىنشا تۇراقتى جۇمىس توبىنىڭ وتىرىسىن وتكىزدىك. وندا ورتالىقتىڭ قۇرىلىمىن، مەملەكەتتىك- جەكەمەنشىك ارىپتەستىك تەتىگى ارقىلى جاراقتاندىرىلۋىن، ۇزدىك كادرلىق رەسۋرستاردى تارتۋ جانە وزگە دە ماسەلەلەردى تالقىلادىق. عىلىمي ورتالىقتىڭ قۇرىلىسى الداعى جىلى باستالادى»، - دەپ جازدى ق ر دەنساۋلىق ساقتاۋ ءمينيسترى ەلجان ءبىرتانوۆ فەيسبۋك پاراقشاسىندا.

 ءمينيستردىڭ ايتۋىنشا، جاڭا ورتالىقتى قۇرۋ جۇمىسى الەمدىك الدىڭعى قاتارلى ونكولوگيالىق ورتالىقتار، عىلىم ورتالىق جانە نازاربايەۆ ۋنيۆەرسيتەتى سەكىلدى ستراتەگيالىق سەرىكتەستەرمەن تىعىز ىنتىماقتاستىقتا جۇزەگە اسىرىلادى. سونداي- اق، وتاندىق جانە شەتەلدىك ساراپشىلار تارتىلاتىن بولادى.

«ورتالىق ەلىمىز حالقىن باستاپقى كەزەڭدەگى داگنوستيكانىڭ وتە ءتيىمدى ءارى جوعارى تەحنولوگيالىق ادىستەرىمەن جانە قاتەرلى ىسىكتەر وسكىندەرىن ۇزدىك حالىقارالىق تاجىريبەلەر نەگىزىندە ەمدەۋمەن قامتاماسىز ەتۋگە باعىتتالعان. ورتالىقتا جىل سايىن جوعارى تەحنولوگيالىق مەديتسينالىق قىزمەتتى قولدانا وتىرىپ، ستاتسيونارلىق كومەك جاعدايىندا 6 مىڭ جانە امبۋلاتورلىق جاعدايدا 30 مىڭنان اسا ناۋقاس مەديتسينالىق كومەك الاتىن بولادى. زاماناۋي ساۋلە تەراپياسى قىزمەتى 4 مىڭ پاتسيەنتكە كورسەتىلەدى. سول سياقتى، 10 مىڭ ناۋقاس يادرولىق مەديتسينانىڭ كومەگىمەن ونكولوگيالىق اۋرۋلاردى دياگنوستيكالاۋ جانە ەمدەۋ مۇمكىندىگىن الادى»، - دەدى مينيستر.

ەسكە سالساق، ەلباسى بيىلعى 5 - قازاندا ەل حالقىنا ارناعان كەزەكتى جولداۋىندا 2019 -جىلى استانادا ۇلتتىق عىلىمي ونكولوگيالىق ورتالىقتىڭ قۇرىلىسىن باستاۋدى تاپسىردى.

اۆتور: داۋلەت ىزتىلەۋ

سوڭعى جاڭالىقتار