تالدىقورعاندا وبىردى ەرتە كەزەڭدە انىقتايتىن ورتالىق اشىلدى

استانا. قازاقپارات - ەلباسى جولداۋىندا ايتىلعان ونكولوگيالىق اۋرۋلاردى ەرتە انىقتاۋ تاپسىرماسىن ورىنداۋ ماقساتىندا تالدىقورعاندا ارنايى ورتالىق ىسكە قوسىلدى.

 ورتالىق - ەلىمىزدىڭ دەنساۋلىق ساقتاۋ سالاسىن سيفرلاندىرۋعا باعىتتالعان بىرەگەي جوبا، دەپ حابارلايدى قازاقپارات ءتىلشىسى.

راديولوگيالىق- اقپاراتتىق كەشەن ونكولوگيالىق اۋرۋلاردى العاشقى كەزەڭىندە انىقتاۋعا مۇمكىندىك بەرەدى. سەبەبى بۇل جەرگە زاماناۋي كومپيۋتەرلىك سەرۆەرلەرگە جاساندى ينتتەلەكت ورناتىلعان. ورتالىق الماتى وبلىسىنىڭ 13 ەمدەۋ مەكەمەسىنىڭ 70-تەن استام قوندىرعىلارىمەن تىكەلەي جالعانعان. جاساندى ينتەللەكت ول جەردەگى اقپاراتتى جەدەل سارالاپ، رەنتگەن سۋرەتىنەن وبىردىڭ بار- جوعى، كەزەڭى تۋرالى ناقتى اقپارات بەرەدى. ماسەلەن ادامنىڭ كوزى 2,5 م م- لىك جارانى كورە السا، جاساندى ينتەلەكت 1 م م جارانى انىقتاي الادى. جوبا مەملەكەتتىك- جەكەشەلىك سەرىكتەستىك نەگىزىندە جۇزەگە استى. جاڭا باعدارلامانى تۇركيا ەلىنىڭ ماماندارى قازاقستاندىق ارىپتەستەرمەن بىرلەسە قۇراستىرعان.

 تالدىقورعاندا وبىردى ەرتە كەزەڭدە انىقتايتىن ورتالىق اشىلدى «اۋداندىق اۋرۋحانالاردان مالىمەتتەردىڭ ءبىر اقپاراتتىق ورتالىققا جيناقتالۋى ءوڭىردىڭ اۋرۋحانالارىن ساندىق ساپاعا كوشىرۋدىڭ بىرەگەي جولى. جاساندى ينتەللەكتتى دەنساۋلىق ساقتاۋ سالاسىندا قولدانۋ الەمدىك ترەندكە اينالىپ وتىر. الماتى وبلىسى وسى باعىتتا جاڭا بەلەستەردى باعىندىرىپ كەلەدى»، - دەدى تۇركيا كومپانيالار توبىنىڭ باسقارما ءتوراعاسى تەمەل اكگيۋن.

ءلاززات اقتايەۆا، ق ر دەنساۋلىق ساقتاۋ ءمينيسترىنىڭ ورىنباسارى:

  - ءبىزدىڭ ەلىمىزدە دياگنوستيكانىڭ ەرتە جاسالۋىنا ەكپىن بەرۋ وتە ماڭىزدى. بۇل جوبا وكپە مەن ءسۇت بەزى وبىرىن انىقتاۋعا مۇمكىندىك بەرەدى. سوندىقتان بۇل ورتالىقتىڭ پايداسى وتە كوپ دەۋگە بولادى.

اۆتور: سامال قابىشيەۆا