ا ق ش-تىڭ مادەنيەت قايراتكەرى: بىزگە قازاق حالقىنىڭ مادەنيەتى مەن ۇلتتىق تاعامى ۇنايدى
ول ۇلى دالانىڭ تاريحى مەن مادەنيەتى جايىندا بىلگىسى كەپ، ءبىزدىڭ جاققا اڭسارى اۋىپ تۇراتىنىن ايتادى. جالپى داكوستا امەريكالىق شوۋ بيزنەستە بەلگىلى تۇلعا. ساندرا ا ق ش-تىڭ كوپتەگەن جۇلدىزىمەن بىرگە جۇمىس ىستەگەن. ولاردىڭ اراسىندا ايگىلى دجاز ورىنداۋشىسى مايلس دەۆيس، ءانشى مايكل دجەكسون جانە مەرايا كەري بار.
«مەن قازاقستاننىڭ ۇلكەن جانكۇيەرىمىن. ا ق ش پەن قازاقستان اراسىندا جاڭا تۋريستىك باعىتتار اشىلىپ جاتقانىنا قۋانىشتىمىن. بۇل ءسىزدىڭ ەلگە بارىپ، مادەنيەتىن تانىسام دەۋشىلەرگە ۇلكەن مۇمكىندىك. ءبىز امەريكالىق ەرىكتىلەردىڭ قازاقستانعا بارىپ اعىلشىن ءتىلىن ۇيرەتۋ باعدارلاماسىن قولدايمىز. ا ق ش قازاقستانمەن ىنتىماقتاستىقتى جالعاستىرا بەرۋى ءتيىس. بىزگە قازاق حالقىنىڭ مادەنيەتى، سالت-ءداستۇرى، مۋزىكاسى جانە ۇلتتىق تاعامى دا ۇنايدى»، - دەيدى پروديۋسەر ساندرا داكوستا.