ناۋقاسپەن جانجالداسقان اقتوبەلىك دارىگەر ءوز ەركىمەن جۇمىسىنان كەتتى

None
None
اقتوبە. قازاقپارات - اقتوبەدە ناۋقاسپەن جانجالداسىپ، توبەلەسىپ قالعان دارىگەر جۇمىسىنان كەتتى.

ال مەديتسينا قىزمەتكەرىنەن ءزابىر كورگەنىن ايتقان ەلميرا جەتپىسبايەۆا پوليتسياعا شاعىم تۇسىرمەيتىنىن جەتكىزدى، دەپ حابارلايدى قازاقپارات ءتىلشىسى.

اقتوبە وبلىستىق جەدەل جاردەم اۋرۋحاناسىنا سىرقاتتانىپ تۇسكەن ەلميرا جەتپىسبايەۆا دارىگەر ءوزىن ۇرعانىن ايتىپ، تۇسىرىلگەن ۆيدەونى الەۋمەتتىك جەلىگە سالعان بولاتىن. اۋرۋحانا اكىمشىلىگى بىردەن قىزمەتتىك تەكسەرۋ باستادى.

ال بۇگىن ءمالىم بولعانداي، ناۋقاسپەن سوزگە كەلگەن دارىگەر ءوز ەركىمەن جۇمىستان شىعۋعا ءوتىنىش بىلدىرگەن.

«جاس دارىگەر وبلىستىق جەدەل جاردەم اۋرۋحاناسىندا ءبىر جىلدان استام ۋاقىتتان بەرى جۇمىس ىستەيدى. سول كۇنى كەزەكشىلىگى بولدى. ناۋقاس تەلەفوننىڭ بەينەكامەراسىنا تۇسىرە باستاعاندا، ودان تۇسىرمەۋىن سۇراعان. سول كەزدە ناۋقاس دارىگەردىڭ شاشىنان تارتىپ، قۇلاتىپ تاستاعان. دەگەنمەن، مەن دارىگەردىڭ ءىس- ارەكەتىن قولدامايمىن. سوزگە كەلىپ، قارسىلىق ءبىلدىرۋى دۇرىس ەمەس. قىزمەتتىك تەكسەرۋ باستالۋى كەرەك ەدى. ءبىراق دارىگەر بۇگىن جۇمىستان بوساتۋ تۋرالى ءوتىنىشىن جازىپ كەتتى»، - دەدى اقتوبە وبلىستىق جەدەل جاردەم اۋرۋحاناسىنىڭ باس دارىگەرى ساكەن قاپانوۆ.

ەسكە سالساق، ەلميرا جەتپىسبايەۆا وقيعا بولعان كۇنى №1 -اقتوبە قالالىق ەمحاناسىنا ۋچاسكەلىك دارىگەردىڭ قابىلداۋىنا بارعان. سول جەردە اياق- قولى قۇرىسىپ، وعان العاشقى مەديتسينالىق كومەك كورسەتىلەدى. كەيىن جەدەل جاردەم بريگاداسى شاقىرىلىپ، ول وبلىستىق جەدەل جاردەم اۋرۋحاناسىنا جەتكىزىلگەن.

null

«ەلميرا جەتپىسبايەۆا 1 جىلدان بەرى ەسەپتە تۇر. ول دارىلەرىن تەگىن الادى. دياگنوزى - ەپيلەپسيا. سول كەزدە 1-1,5 ساعات سايىن 5-7 سەكۋندقا دەنەسى قۇرىساتىنىن بىزگە ايتتى. ءدارى ەگىپ، جەدەل جاردەمدى كۇتتى. كەيىن ونى الىپ كەتتى. ناۋقاس ۋچاسكەلىك دارىگەر مەن نەۆروپاتولوگتىڭ باقىلاۋىنا الىنعان»، - دەدى ۋچاسكەلىك دارىگەر ۆيتالي براگين.

كەلىنشەكتىڭ ايتۋىنشا، وبلىستىق جەدەل جاردەم اۋرۋحاناسىنىڭ دارىگەرى ونى قاراۋدان باس تارتىپ، نامىسىنا تيەتىن ءسوز ايتقان.

«جەدەل جاردەم اۋرۋحاناسىنا بارعان كەزدە كاتالكاعا سالىپ قويدى. دارىگەر وتكەن سايىن يتەرىپ كەتىپ، وتىرۋىمدى بۇيىردى. «قازىر پسيحياتر شاقىرتامىن» دەدى. سەبەبىن سۇراعان كەزدە «قارامايمىن» دەپ كەسىپ ايتتى. مەن وبلىستىق اۋرۋحانادا بۇرىن جاتىپ، ەم قابىلداعان ەدىم. دارىگەردى تانىدىم. قايتالاپ ايتا بەرگەن سوڭ بەينەكامەرانى قوسىپ، تۇسىرە باستادىم. ەسكەرتۋ جاسادى، ءبىراق تۇسىرە بەردىم. جانىما كەلىپ، تەلەفوندى ءوشىرۋدى تالاپ ەتىپ، ەكى بەتىمنەن ۇردى. ۆيدەونى وشىرۋگە مۇمكىندىك بەرمەي، تەلەفونىمدى بۇعاتتاپ قويدىم. اشۋىما تيگەن كەزدە شاشىنان ۇستاپ، جەرگە قۇلاتتىم. بىردەن وقيعا ورنىنا ۋچاسكەلىك پوليتسيانى شاقىردى. دارىگەر دەنەسىندەگى ءىزدى تىركەتىپ العان ەكەن. مەن تەك «پسيحياتر شاقىرامىن» دەگەن سوزىنە اشۋلاندىم»، - دەدى ەلميرا جەتپىسبايەۆا.

ول اۋرۋحانادا ەم قابىلداماي شىعىپ كەتىپ، قايتا ۋچاسكەلىك دارىگەرگە بارعان. ال دورەكىلىك كورسەتكەن دارىگەرگە ەشقانداي تالاپ قويمايتىنىن، ارىز جازبايتىنىن ايتتى.

«دارىگەردى جۇمىستان شىعارۋ سەكىلدى تالاپ قويمايمىن. دارىگەر ناۋقاستارعا ادامگەرشىلىكپەن قاراۋى ءتيىس. كەز كەلگەن ادام اۋىرعان سوڭ ەم ىزدەپ دارىگەرگە بارادى. اق حالاتتىلار سونى ءتۇسىنۋى كەرەك»، - دەيدى ول.

 

سوڭعى جاڭالىقتار