قانات يسلام ءوزى قۇرعان بوكس كومپانياسىنىڭ بولاشاعى تۋرالى ايتتى
«جالپى العاندا بوكس كەشى وتە جاقسى ءوتتى. ءبىزدىڭ بوكسشىلاردىڭ قارسىلاستارى شەتىنەن مىقتى بولدى. ەڭ باستىسى جانكۇيەرلەردىڭ كوڭىلىنىڭ كىلتىن تابا بىلدىك. ولاردى الداۋ مۇمكىن ەمەس. رۋسلان مىرساتايەۆ، اسحات ءۋاليحانوۆ، ايدار شارىبايەۆ پەن ابىلايحان قۇسايىنوۆ سياقتى سپورتشىلارىمىز ءتيىمدى تاكتيكاسىنىڭ ارقاسىندا الدىڭعى قاتارعا شىعا ءبىلدى. وكىنىشكە وراي، ازەربايجاندىق فاريد اليەۆتىڭ باس تارتۋىنىڭ كەسىرىنەن ەلشات نىعماتۋللا ۇلى WBC بەلبەۋى ءۇشىن ماردان بەريكبايەۆپەن قولعاپ ءتۇيىستىردى»، - دەدى قانات يسلام.
سونداي-اق، قانات يسلام بوكس كەشتەرىن ءجيى وتكىزۋدى جوسپارلاپ وتىرعانىن دا ايتتى.
«ءبىز قازاقستاندىق بوكسشىلارعا قاتىستى ۇلكەن جوسپار قۇرىپ وتىرمىز. ءاربىر بوكس كەشى ارقىلى بوكسشىلاردىڭ شەبەرلىگىن شىڭداپ، الەمدىك ارەنالارعا دايىندايتىن بولامىز»، - دەدى قانات يسلام.