ديماش قۇدايبەرگەننىڭ اناسى اقتوبەدەگى باس شىرشانى جاقتى

اقتوبە. قازاقپارات - ديماش قۇدايبەرگەننىڭ اناسى سۆەتا ايتبايەۆا مەن مانەرلەپ سىرعاناۋدان حالىقارالىق تۋرنيردىڭ جۇلدەگەرى داريا ۆدوۆينا، حوككەيدەن جاستار كومانداسىنىڭ كاپيتانى نيكيتا بەلاشيەۆ اقتوبەدەگى باس شىرشانى جاقتى، دەپ حابارلايدى قازاقپارات ءتىلشىسى.

اقتوبە وبلىسى اكىمدىگى الاڭىندا باس شىرشا جاعىلدى. بۇل جولى شىرشا شامدارىن ق ر ەڭبەك سىڭىرگەن قايراتكەرى، ءانشى ديماش قۇدايبەرگەننىڭ اناسى سۆەتلانا ايتبايەۆا، مانەرلەپ سىرعاناۋدان حالىقارالىق تۋرنيردىڭ جۇلدەگەرى داريا ۆدوۆينا، حوككەيدەن جاستار كومانداسىنىڭ كاپيتانى نيكيتا بەلاشەۆ جاقتى. اقتوبە قالاسى بويىنشا ءبىر كۇندە ءتورت شىرشا جاعىلىپ، حالىققا مەرەكەلىك كوڭىل-كۇي سىيلادى. شاراعا وبلىس اكىمى بەردىبەك ساپاربايەۆ پەن قالا تۇرعىندارى قاتىسىپ، تەاترلاندىرىلعان كورىنىستى تاماشالادى.

وبلىس اكىمىنىڭ باسپا ءسوز قىزمەتىنىڭ حابارلاۋىنشا، اقتوبە وبلىسى ورتالىعىندا 50 دەن استام شىرشا ورناتىلدى. ارباتتا شاعىن مۇز قالاشىعى بار. سونىمەن قاتار، اقتوبە قالاسىندا 48 مۇز ايدىنى جۇمىس ىستەپ تۇر. جاڭا جىلدىق ەرتەڭگىلىكتەر ءار اۋدان، اۋىلدا ۇيىمداستىرىلىپ، 80 مىڭنان استام بالانى قامتۋ جوسپاردا بار. مەرەكە قارساڭىندا اۋىل شارۋاشىلىعى جارمەڭكەسى دە ۇيىمداستىرىلادى.