مينيستر جاڭا جىل قارساڭىنداعى ازىق-تۇلىك باعاسى تۋرالى ايتتى
«ينفلياتسيا 500 دەن استام تاۋارعا قاتىستى، ياعني كوكونىسپەن قاتار، ونەركاسىپتىك تاۋارلار مەن قىزمەتتەر قامتىلىپ وتىر. ولار بويىنشا قازىر جاعداي قالىپتى. اتاپ ايتقاندا، تاريفتەرتى تومەندەتۋ بويىنشا ىسكە اسىرىلىپ جاتقان پرەزيدەنت تاپسىرماسى تۇرعىسىندا ينفلياتسيا 5-7 پايىز دالىزىندە بولادى دەپ كۇتىلۋدە»، - دەدى مينيستر پارلامەنت ءماجىلىسىنىڭ جالپى وتىرىسىنان سوڭ تىلشىلەر ساۋالىنا جاۋاپ بەرە وتىرىپ.
وسى ورايدا، ول سۇرانىستىڭ ارتۋى باعانىڭ وسىمىنە الىپ كەلەتىنىن دە اتاپ ءوتتى.
«بۇل جاعداي تۇسىنىكتى، سەبەبى ءبىز نارىقتىق ەكونوميكادا ءومىر ءسۇرىپ جاتىرمىز. تاۋارعا سۇرانىس ارتقان سايىن، باعا ۇنەمى جوعارىلاي بەرەدى. بۇل تۇرعىدا قوناق ۇيلەردە جاز كەزىندە باسقا قالىپتاسسا، قىستا باعا كەرسىنشە تومەندەيدى. وسى جاعدايلار نارىقتىڭ اياسىندا قالىپتاسىپ وتىر جانە وعان دايىن بولۋ كەرەك»، - دەدى تيمۋر سۇلەيمەنوۆ.
ءمينيستردىڭ اتاپ وتۋىنشە، ازىق-تۇلىكتى ارزان باعامەن ساتۋ ءۇشىن مەملەكەت ءتيىستى دۇكەندەردى اشۋدى جوسپارلامايدى.
«ەگەر دە ءبىز نارىقتىق جاعدايدا ءومىر سۇرگىمىز كەلسە، وندا ءبىز ونىڭ وڭتايلى تۇستارىمەن قاتار، باعانىڭ وسۋىنە قاتىستى باسقا دا جاقتارىن قابىلداۋىمىز كەرەك. قايتالاپ ايتامىن، بۇنى مينيسترلىك تە، ۇكىمەت تە ىستەپ جاتقان جوق. وسى ءىس-قيمىلدار نارىق سۋبەكتىلەرىنە بايلانىستى. ارينە، ليميتتەردى ەلەمەيتىندەر بايقالسا، ءبىز ولاردى مونوپولياعا قارسى رەتتەۋ تەتىكتەرى ارقىلى جازاعا تارتامىز»، - دەدى ۆەدومستۆو باسشىسى.