اليك شپەكبايەۆ: مەم ورگاندار پرەزيدەنت تاپسىرماسىن قاساقانا ەلەمەي مە
دەپ حابارلايدى قازاقپارات ءتىلشىسى.
«ەكى ايدىڭ ىشىندە بارلىق مەملەكەتتىك اپپاراتتا نورمادان تىس جۇمىس ىستەۋگە جول بەرمەۋگە قاتىستى اۋقىمدى ءتۇسىندىرۋ جۇمىستارىن جۇرگىزدىك. وتكەن اپتا بويى ازاماتتىق قوعام جانە ب ا ق وكىلدەرىمەن بىرگە بارلىق ورتالىق مەملەكەتتىك ورگاندار مەن اكىمدىكتەردە كەستەنىڭ ساقتالۋىنا كوشپەلى مونيتورينگ جۇرگىزدىك. ناتيجەسىندە 113 بۇزۋشىلىق انىقتالدى. ولاردىڭ اراسىندا كوش باستاپ وتىرعاندار: ۇلتتىق ەكونوميكا، اۋىل شارۋاشىلىعى، ەڭبەك جانە حالىقتى الەۋمەتتىك قورعاۋ، ءبىلىم جانە عىلىم مينيسترلىكتەرى، شىعىس قازاقستان، قوستاناي، الماتى وبلىستارىنىڭ اكىمدىكتەرى»، - دەپ جازدى اليك شپەكبايەۆ فەيسبۋكتەگى پاراقشاسىندا.
وسى رەتتە اگەنتتىك باسشىسى: «اتالعان مەملەكەتتىك ورگاندار پروبلەمانىڭ قانشالىقتى كۇردەلى ەكەندىگىن تۇسىنبەگەنى نەمەسە پرەزيدەنتتىڭ تىكەلەي تاپسىرماسىن ەلەمەگەنى مە؟ » دەپ ساۋال قويادى.
«ەڭبەك زاڭناماسىن بۇزعاندارعا قاتىستى شارا قولدانۋ ءۇشىن مەملەكەتتىك ورگانداردىڭ ءبىرىنشى باسشىلارىنىڭ اتىنا ۇسىنىس حات جولدادىق. بۇعان قوسا، جۇيەلى سيپاتقا يە بۇزۋشىلىقتار بويىنشا ماتەريالداردى تەكسەرۋ جۇرگىزىپ، مەملەكەتتىك ورگاندار باسشىلارىنىڭ اكىمشىلىك جاۋاپكەرشىلىگىن قاراستىرۋ ءۇشىن ەڭبەك ينسپەكتسياسىنا ماتەريالداردى جىبەردىك»، - دەدى اليك شپەكبايەۆ.
ونىڭ اتاپ وتۋىنشە، قىزمەتشىلەردىڭ جۇمىس ورىندارىندا ساعات 18.30-دان كەيىن دە بولۋى اكىمشىلىك شىعىستاردى ۇلعايتادى.
«اگەنتتىكتە دە مۇنداي پروبلەما بولعان ەدى. دەگەنمەن، ونى تەز ارادا شەشە الدىق. بىرنەشە تەكسەرۋ جۇرگىزىپ، قورىتىندىسىندا تالاپقا باعىنباعان قىزمەتكەرلەردى ۇستەمەاقىدان ايىردىق جانە ولاردىڭ تىكەلەي باسشىلارىن جازالادىق. ناتيجەسىندە مەنىڭ قىزمەتتەستەرىم ۇيلەرىنە ۋاقىتىلى كەتەتىن بولدى. ولارعا 8 ساعات جۇمىس وزدەرىنىڭ مىندەتتەرىن ءتيىمدى ءارى ناتيجەلى اتقارۋعا جەتكىلىكتى. وسى تۇرعىدا ستيۆ دجوبستىڭ «تاۋلىگىنە 12 ساعات ەمەس، باسپەن جۇمىس ىستەۋ كەرەك» دەگەن ءسوزىن كەلتىرگىم كەلەدى. مەملەكەتتىك قىزمەتتەگى ءتيىمسىز ءارى پايداسىز ەڭبەكقورلارعا بارىنشا ءدال كەلەتىن كەڭەس»، - دەدى اگەنتتىك باسشىسى.
اۆتور: مارلان جيەمباي