ەلوردادا بولاشاق انالار سۇلۋلىق بايقاۋىنا قاتىستى
ەلوردا اكىمدىگىنىڭ رەسمي سايتىنداعى اقپاراتقا سۇيەنسەك، بولاشاق انالار اراسىنداعى سۇلۋلىق بايقاۋى قالادا العاش رەت وتكىزىلىپ وتىر. فينالدا 19-35 جاس ارالىعىنداعى توعىز ايەل باق سىنادى. بايقاۋ بارىسىندا قاتىسۋشىلار شىعارماشىلىق قابىلەتتەرىن پاش ەتىپ، ءتۇرلى ەلدەردەگى جۇكتىلىك پەن بوسانۋ ءۇردىسى تۋرالى اڭگىمەلەدى، سونداي-اق ءبي بيلەپ، ءان ايتىپ، كەشكى كويلەكتەر ۇلگىسىن كورسەتتى.
ۇيىمداستىرۋشىلار بولاشاق اكەلەر تۋرالى دا ۇمىتقان جوق. ولاردىڭ اراسىندا «بالانى جايالىققا جىلدام وراۋ» بايقاۋى ءوتتى.
«ءبىز جۇكتىلىكتىڭ 28 اپتاسىنا دەيىنگى ايەلدەردى ىرىكتەپ الدىق. ءبىرىنشى كەزەڭدە بولاشاق انالار وسى بايقاۋعا نە ءۇشىن قاتىسقىسى كەلەتىنى تۋرالى موتيۆاتسيالىق حات جازدى. ەكىنشى اينالىمدا ولار ءوز تۋىسقاندارىمەن بەينەروليك ءتۇسىردى»، - دەيدى اكۋشەر-گينەكولوگ ايجان اۋاناسوۆا.
قاتىسۋشىلار سوڭعى جارىسقا ءبىر جارىم اي بويى دايىندالدى. بولاشاق انالار يوگامەن اينالىسىپ، ۆوكالدىق ءارى حورەوگرافيالىق شەبەرلىكتەرىن شىڭدادى.
ناتيجەسىندە، 31 جاستاعى راۋشان تىلەكۋەنوۆا كونكۋرس جەڭىمپازى اتاندى. ۆيتسە-ميسس اتاعىن جۇلدىز شولاقوۆا مەن عاليا ساعىم ءوزارا ءبولىستى. ال «كورەرمەن كوزايىمى» اتالىمىنا راۋشان ساتماعانبەتوۆا لايىق دەپ تانىلدى.
ايتا كەتەيىك، شارانى «اياۋلى انا» قوعامدىق بىرلەستىگى ۇيىمداستىردى.