تەڭىز تۇبىنەن شۇعىل كوتەرىلگەن سۇڭگۋىرشىنىڭ بۇلشىق ەتى مەن كەۋدەسى ۇلعايىپ كەتتى

 استانا. قازاقپارات - سۇڭگىرۋشى تەڭىز تۇبىنەن شۇعىل كوتەرىلەم دەپ دەنساۋلىعىنا نۇقسان كەلتىردى. ونىڭ قولى مەن كەۋدەسى ۇلعايىپ كەتتى.

الەحاندرو راموس تەڭىزدە 30 مەتر تەرەڭدىكتە جۇمىس ىستەگەن. جۇك كەمەسىنىڭ تىنىس الۋ ءۇشىن جاسالعان تۇتىكشەسىنە زاقىم كەلگەندىكتەن سۇڭگۋىرشى سۋ بەتىنە شۇعىل شىقپاق بولادى.

سۇڭگۋىرشى تەز جۇزگەندە دەكومپرەسسيوندى اۋرۋعا شالدىعۋ قاۋپى بار. ادام اعزاسىنىڭ قان مەن تىندەردەگى گاز قان اينالىمىن بىتەپ، تور قاباتىن بۇزىپ، قان اينالىمىن السىرەتەدى. بۇل جاعدايدا ادام ءولىپ كەتۋى عاجاپ ەمەس. راموس ءتىرى قالدى، ءبىراق 30 كەلى سالماق قوسىپ الدى. بۇلشىق ەتى مەن كەۋدە تۇسى ۇلعايىپ كەتتى.

وسىدان سوڭ سۇڭگۋىرشى ادام كوزىنە كورىنبەي، وزىنە قول سالۋدى ويلاعان. اقشاسى بولماعاندىقتان دارىگەرگە قارالا المادى. كەيىن ليمادا دارىگەر قاراپ كوردى. مامانداردىڭ ايتۋىنشا، بۇل جاعداي راموستىڭ ماي تىنىندەگى ازوت تۇيىرشەكتەرى اسەرىنەن بولعان. وعان ۇزاق ۋاقىت ەم الىپ، پلاستيكالىق وتا جاساتۋعا تۋرا كەلەدى.

2008-جىلى ۇلى بريتانيانىڭ تەڭىز كۇشتەرى بىرنەشە جىل قاتارىنان دەكومپرەسسيوندى اۋرۋعا ەشكىلەردى پايدالانىپ كەلگەن. ەشكىلەردىڭ باسى ادام باس قۇرىلىسىنا ۇقساعاندىقتان وسى جانۋار تاڭدالعان.