تيمۋر سۇلەيمەنوۆ: ە ا ە و ءبىرىڭعاي ەلەكتروندى ۆاليۋتاسىن قۇرۋعا جول بەرىلمەيدى

استانا. قازاقپارات - ق ر ۇلتتىق ەكونوميكا ءمينيسترى تيمۋر سۇلەيمەنوۆ ە ا ە و- نىڭ ءبىرىڭعاي ەلەكتروندى ۆاليۋتاسىن قۇرۋ ماسەلەسىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«بۇل ۇسىنىس ەمەس، ونى رەسەيلىك ۇلتتىق تولەم وداعى تالقىلاپ جاتىر. ولاردا ءبىرقاتار ۇسىنىستار بار كورىنەدى، الايدا بۇل ۇسىنىس رەسەيلىك تاراپپەن رەسمي جاريا ەتىلمەگەن. ءدال وسىلاي قازاقستان قارجىگەرلەر قاۋىمداستىعى دا ۇسىنىس جاساي الادى»، - دەدى مينيستر پارلامەنت ماجىلىسىندە تىلشىلەر ساۋالىنا جاۋاپ بەرە وتىرىپ.

سونىمەن قاتار، ول قازاقستان تاراپى اتالعان ۇسىنىستى قولدامايتىنىن اتاپ ءوتتى.

«ءبىز ونى قولدامايمىز. وسىنى جەكە ءوزىم دە ۇستانىپ وتىرمىن. ۇلتتىق ۆاليۋتا - ول ءبىزدىڭ ەگەمەندىگىمىزدىڭ سيمۆولى، ياعني ءانۇران، تۋ جانە ەلتاڭبا سەكىلدى. سوندىقتان ءبىز ونى ساقتاپ، دامىتۋىمىز كەرەك. وسى ورايدا، قانداي دا ءبىر كۆازي، پروكسي ۆاليۋتالارعا جول بەرمەۋىمىز قاجەت»، - دەدى تيمۋر سۇلەيمەنوۆ.

اۆتور: رۋسلان عابباسوۆ