قازاقستاندىق بوكسشى تيتۋلدىق جەكپە-جەك وتكىزەدى

استانا. قازاقپارات - Eye of the Tiger Management پروموۋتەرلىك كومپانياسى Facebook-تەگى رەسمي پاراقشاسىندا قازاقستاندىق بوكسشى سادريددين احمەدوۆتىڭ كەلەسى ايقاسى تۋرالى جاريالادى، دەپ حابارلايدى Sports.kz.

ءبىرىنشى ورتا سالماقتاعى قازاقستاندىق بوكسشى سادريددين احمەدوۆ كەلەسى ايقاسىن مونرەالدا، كانادادا وتكىزەدى. بۇل بوكس كەشى كەلەسى جىلدىڭ 26- قاڭتارىندا وتەدى. قازاقستاندىقتىڭ قارسىلاسى ازىرگە بەلگىسىز، ءبىراق ول WBC «جاستار» چەمپيونى تيتۋلى ءۇشىن كۇش سىناماق.

ەسكە سالايىق، 20 جاستاعى احمەدوۆ كاسىبي رينگتە ساۋىردە دەبيۋت جاساعان. سودان بەرى التى جەكپە-جەك وتكىزىپ، بارلىعىندا مەرزىمىنەن بۇرىن جەڭىسكە جەتكەن.