گولوۆكين مەن كانەلونىڭ ءۇشىنشى جەكپە-جەگى وتەتىن ورىن انىقتالدى

استانا. قازاقپارات - ESPN.com پورتالىنىڭ ءتىلشىسى سالۆادور رودريگەس مەكسيكالىق ساۋل «كانەلو» الۆارەستىڭ پروموۋتەرى وسكار دە لا حويانىڭ قازاقستاندىق گەننادي گولوۆكينمەن بولۋى مۇمكىن ءۇشىنشى كەزدەسۋگە قاتىستى مالىمدەمەسىنە پىكىر ءبىلدىردى، دەپ حابارلايدى Sports.kz.

«بۇل يدەيا سەنىمدى تۇردە ايتىلا باستادى. وسكار دە لا حويا دا جاقىندا مەكسيكا بيلىگىمەن جانە Azteca Stadium باسشىسىمەن وسى ماسەلە تۋرالى سويلەسەتىنىن ايتتى. بۇل وقيعا قىركۇيەك ايىنا جوسپارلانىپ وتىر. گەننادي گولوۆكين ەڭ تارتىمدى قارسىلاس. دەگەنمەن بۇدان وزگە دە جوسپارلار بار جانە ولار نازارعا الىندى»، - جازادى ءتىلشى.

ەستەرىڭىزگە سالا كەتەيىك، گەنناديي گولوۆكين «كانەلومەن» ەكى مارتە كەزدەستى. ءبىرىنشى كەزدەسۋ وتكەن جىلدىڭ قىركۇيەك ايىندا ءوتتى جانە تەڭ اياقتالدى. ەكىنشى كەزدەسۋ بيىلعى جىلدىڭ قىركۇيەك ايىندا ءوتىپ، تورەشىلەردىڭ شەشىمىمەن جەڭىس مەكسيكالىق بوكسشىعا بۇيىردى. كەزدەسۋدىڭ ەكەۋى دە لاس-ۆەگاستاعى T- Mobile Arena-دا ءوتتى.