استانادا ەلىمىزدىڭ باس شىرشاسى جاعىلدى
ەلورداداعى ەكسپو كورمەسى تورىنەن ورىن العان ەلىمىزدىڭ باس شىرشاسىنىڭ بيىكتىگى 25 مەتر. ونى بەزەندىرۋگە 1200 ءتۇرلى-ءتۇستى شار مەن 4 مىڭنان استام جىلتىراق ويىنشىقتار جۇمسالدى.
سالتاناتتى شاراعا قالا اكىمى ب. سۇلتانوۆ قاتىسىپ، شىرشانىڭ شامدارىن جاقتى.
«جاڭا جىل - الەمدەگى كەڭ كولەمدە اتالىپ وتەتىن مەرەكەلەردىڭ ءبىرى. بۇگىن سىزدەرمەن بىرگە جىلداعى ءداستۇر بويىنشا باس شىرشا شامدارىنىڭ جاعىلۋىنا كۋا بولۋدامىز. جاڭا جىل وتباسىلىق مەيرام بولعاندىقتان استانادا وعان دايىندىقتى جوعارى قارقىنمەن جۇرگىزۋدەمىز. بيىلعى جىل ەلىمىز ءۇشىن دە، ەلوردا ءۇشىن دە تابىستى بولدى. الداعى جىلى اتقارىلاتىن يگى ىستەر ءوز جالعاسىن تابادى»، - دەدى ەلوردا اكىمى.
شارا بارىسىندا جينالعان قاۋىم ەلىمىزدىڭ ونەر جۇلدىزدارىنىڭ كونسەرتىن تىڭداپ، سونداي-اق وت شاشۋ ءراسىمىن تاماشالادى.
سونىمەن قاتار، مەرەكەلىك قىزىقتان كىشكەنتاي كورەرمەندەر دە قۇر قالمادى، ولار ءۇشىن ارنايى انيماتورلار مەن الىپ قۋىرشاقتار ءتۇرلى ويىن-ساۋىقتار ۇيىمداستىردى.
قالا بويىنشا شىرشا شامدارىن جاعۋ ءراسىمى ەكسپودان بولەك تاعى 11 جەردە ءوتتى. اتاپ ايتقاندا «قازاق ەلى» مونۋمەنتى، «حانشاتىر» س و س و، «بوتانيكالىق باق»، «پرەزيدەنتتىك ساياباق»، قالالىق الاڭ، «ستوليچنىي» ساياباعى، «الاتاۋ» س ك، «جاستار سارايى»، «ەسىل جاعالاۋى»، «اتاتۇرىك» ساياباعى جانە «جاستار» تەاترى الاڭىندا.
ايتا كەتسەك، بيىل قىستا قالا تۇرعىندارى مەن قوناقتارى ءۇشىن 12 تاقىرىپتىق الاڭ، 32 مۇز ايدىنى، 36 مۇز توبەشىك جانە ءتۇرلى 400 دەن اسا جاڭا جىلدىق شارا قاراستىرىلعان.