استانادا جاڭاجىلدىق شىرشا قاشان جاعىلادى؟

استانا. قازاقپارات - استانانىڭ باس جاڭاجىلدىق شىرشاسىنىڭ شامى قاشان جاعىلاتىنى بەلگىلى بولدى، دەپ حابارلايدى قازاقپارات قالا اكىمدىگىنە سىلتەمە جاساپ.

18- جەلتوقسان كۇنى ساعات 18:30 دا ەكسپو-2017 كورمەسىنىڭ اۋماعىندا استانانىڭ باس جاڭاجىلدىق شىرشاسىنىڭ شامىن جاعۋ ءراسىمى وتەدى. سونداي-اق، شارادا ونەرپازدار كونسەرت قويادى. كىشكەنتاي كورەرمەندەردىڭ كوڭىلىن انيماتورلار مەن الىپ قۋىرشاقتار كوتەرەدى.

ويىن-ساۋىق باعدارلاماسى ساعات 18:30 باستالسا، ال شىرشا شامدارى ساعات 19:00 دە جاعىلادى. سونىمەن قاتار، راسىمگە كەلۋشىلەر مەرەكەلىك وتشاشۋدى تاماشالاي الادى.

باستى شىرشا ماڭىندا قىسقى جانە وتباسىلىق دەمالىس ءۇشىن قىزمەتتەردىڭ كەڭ اۋقىمدى قىزمەت كورسەتەتىن ينتەراكتيۆتى ويىن-ساۋىق الاڭى ىسكە قوسىلادى.

كورمە كەشەنى اۋماعىندا 200 ادامعا ارنالعان اشىق مۇز ايدىنى جۇمىسىن باستايدى. مۇز ايدىنىنىڭ جۇمىس ۋاقىتى ساعات 10:00 دەن 23:00 گە دەيىن. كەلەتىن قوناقتارعا ىڭعايلى بولۋ ءۇشىن مۇز ايدىنىنا كىرۋ تەگىن. سونداي-اق، كونكيدى جالعا بەرەتىن ورىن، تاماقتانۋ ورىندارى جانە اۆتوكولىكتەر ءۇشىن جەراستى تۇراعى بار.