ەۋرو وداق ەردوعاننىڭ مالىمدەمەسىنە الاڭداۋشىلىق ءبىلدىردى

None
None
استانا. قازاقپارات - ەۋرو وداق تۇركيانىڭ سيريانىڭ سولتۇستىك- شىعىسىندا اسكەري وپەراتسيا جۇرگىزۋ تۋرالى جوسپارىنا الاڭداۋشىلىق ءبىلدىردى.

 وسى ماسەلەگە قاتىستى ەۋرووداق ديپلوماتياسىنىڭ باسشىسى فەدەريكا موگەريني مالىمدەمەسىن جازباشا جولدادى.

 قۇجاتتا سيرياعا قاتىستى كەز كەلگەن ماسەلە ب ۇ ۇ قاۋىپسىزدىك كەڭەسىنىڭ 2254-قارارى مەن 2012 -جىلعى جەنيەۆا كومميۋنيكەسىنە سايكەس جۇزەگە اسىرىلۋى ءتيىس ەكەندىگى ايتىلعان.

ەسكە سالا كەتەيىك، بىرەر كۇن بۇرىن تۇركيا پرەزيدەنتى رەجەپ تايىپ ەردوعان سيرياداعى كۇرد جاساقتارىنا قارسى ەفرات وزەنىنىڭ شىعىس جاعالاۋىندا اسكەري وپەراتسيا باستاۋعا نيەتتى ەكەنىن جاريالاعان بولاتىن.

 «تۇركيانىڭ سيريانىڭ سولتۇستىك- شىعىسىندا اسكەري وپەراتسيا جۇرگىزۋ تۋرالى مالىمدەمەسى الاڭداۋشىلىق تۋدىرىپ وتىر. تۇركيا ايماقتاعى جانە وسى داعدارىستا ماڭىزدى رولگە يە مەملەكەت. ءبىز سيريادا لاڭكەستىكتى جويىپ، زورلىق- زومبىلىقتى توقتاتۋ جانە تۇراقتىلىق ورناتۋ ماقساتىن قولدايمىز. سوندىقتان تۇرىك بيلىگى وداقتاس ەلدەردىڭ «يراك جانە ليەۆانت لاڭكەستىك ۇيىمىنا» قارسى كۇرەسىنە نۇقسان كەلتىرىپ، وسى مەملەكەتتە تۇراقسىزدىق تۋدىراتىن ءبىرجاقتى ارەكەتتەن باس تارتادى دەپ ۇمىتتەنەمىز».

www.24.kz

سوڭعى جاڭالىقتار