يسپانيا پروكۋراتۋراسى ءانشى شاكيراعا ايىپ تاقتى

 استانا. قازاقپارات -  يسپانيا پروكۋراتۋراسى كولۋمبيالىق ءانشى شاكيرا سالىقتان جالتاردى دەپ ايىپ تاقتى.

 اتالعان ورگاننىڭ مالىمدەۋىنشە، ايگىلى ءانشى 14,5 ميلليون ەۋرو تولەمەگەن.

پروكۋرورلار «شاكيرا 2011 -جىلدان بەرى «بارسەلونا» كلۋبىنىڭ ويىنشىسى جەرار پيكەمەن بىرگە تۇرعان. سوندىقتان جەرگىلىكتى زاڭ بويىنشا بارلىق كىرىسىنەن سالىق تولەۋى ءتيىس» دەگەندى ايتادى. الايدا شاكيرانىڭ قورعاۋشىسى ءانشى يسپانياعا تەك 2015 -جىلى قونىس اۋدارىپ، سالىق قىزمەتىنە دە وسى جىلى تىركەلگەندىگىن العا تارتۋدا. ەندى ماسەلەنى سوت قاراۋى ءتيىس.

 ايتا كەتەيىك، شاكيرا بيىل عانا 2011 -جىلعى قارىزى ءۇشىن 20 ميلليون ەۋرو تولەگەن بولاتىن.

www.24.kz