تاۋەلسىزدىك كۇنى: كوكشەتاۋلىق ينستيتۋتتىڭ كۋرسانتتارى وتانداستارىنا ەرەكشە قۇتتىقتاۋ جولدادى

كوكشەتاۋ. قازاقپارات - ق ر ءى ءى م قاراستى كوكشەتاۋ تەحنيكالىق ينستيتۋتىنىڭ كۋرسانتتارى ەرەكشە فلەشموب ۇيىمداستىرىپ، وتانداستارىن تاۋەلسىزدىك كۇنىمەن قۇتتىقتادى، دەپ حابارلايدى قازاقپارات ءتىلشىسى.

الەۋمەتتىك جەلىدە تاراعان ۆيدەوعا قاراعاندا بولاشاق ءورت سوندىرۋشىلەردى دايارلايتىن ەلىمىزدەگى جالعىز وقۋ ورنى كوكشەتاۋ تەحنيكالىق ينستيتۋتىنىڭ ءبىر توپ كۋرسانتى قاز-قاتار ءتىزىلىپ، «16» سانىن، ال، ءورت ءسوندىرۋ قۇرالدارىنان «Jeltoqsan!» ءسوزىن قۇراستىردى.

كۋرسانتتار «ءبىز باقىتتىمىز. ويتكەنى، ءبىزدىڭ ەلىمىزدە بەيبىتشىلىك پەن كەلىسىم ورناعان. ەلىمىزدىڭ باقىتتىن تەربەتكەن تاۋەلسىزدىك كۇنى بارشامىزعا قۇتتى بولسىن!» - دەيدى اتالمىش ءبىلىم ورنىنىڭ كۋرسانتتارى.

كۋرسانتتار ۇيىمداستىرعان ەرەكشە قۇتتىقتاۋ جەلى قولدانۋشىلارىن تاڭداندىردى.