قىزىلوردادا قورقىت اتا تۋرالى جيناق جارىققا شىعادى

قىزىلوردا. قازاقپارات - قىزىلوردادا قورقىت اتا تۋرالى حرەستوماتيالىق جيناققا جارىققا شىعادى، دەپ حابارلايدى قازاقپارات ءتىلشىسى.

اتالمىش حرەستوماتيالىق جيناققا «قورقىت اتا تۋرالى اڭىزدار مەن اڭگىمەلەر» دەگەن اتاۋ بەرىلگەن. بۇگىنگى كۇندەرى بۇل جيناق باسپادا دايىندالىپ جاتىر. جاقىن كۇندەرى وقىرمانعا جول تارتاتىن بولادى.

جيناقتا قورقىت اتا مۇراسى، ول جايىندا جان- جاقتى ماعلۇماتتار، سول مۇرانىڭ زەرتتەلۋ تاريحى، زەرتتەۋدىڭ قازىرگى بارىسى مەن بۇل باعىتتا الداعى كەزەڭدە اتقارىلاتىن جوسپارلار باياندالعان.

«بۇل زەرتتەۋ - قورقىت اتا مۇراسىن جان- جاقتى تانۋ باعىتىنداعى سۇبەلى ەڭبەك. قورقىت تۋرالى عالىمدار 19 -عاسىردان باستاپ جان- جاقتى زەرتتەۋ جۇرگىزە باستادى. دەگەنمەن، ءالى دە جاريالانباعان دەرەكتەر، اشىلماعان قۇپيالار بار»، - دەدى فيلولوگيا عىلىمدارىنىڭ دوكتورى، پروفەسسور باعدات كارىبوز ۇلى.

جيناقتا قورقىت جىرلارىنىڭ تيپولوگياسى، تەكستولوگياسى جاسالعان. الداعى ۋاقىتتا عالىمدار «قورقىت اتا - الەمدىك تۇلعا: اقيقات پەن اڭىز» اتتى مونوگرافيانى جارىققا شىعارۋدى جوسپارلاپ وتىر.

ايتا كەتەرلىگى، جاقىندا «قورقىت اتا» مۇراسى يۋنەسكو-نىڭ ماتەريالدىق ەمەس مۇرالارى تىزىمىنە ەنگەن ەدى.

ەستەرىڭىزگە سالا كەتەلىك، بۇدان بۇرىن  قىزىلوردا وبلىسىندا بالالارعا ارنالعان ارحەولوگيالىق لاگەر اشۋ جوسپارلانىپ وتىرعانى حابارلاندى. سونداي-اق، بيىل سىر وڭىرىندەگى سىعاناق قالاشىعىن ەتونوتۋريزم ورتالىعىنا اينالدىرۋ جۇمىستارى جۇرگىزىلدى.