15:10, 16 - جەلتوقسان 2018 | GMT +6
الماتىلىقتار تاۋەلسىزدىك مونۋمەنتىنە گۇل شوقتارىن قويدى
الماتى. قازاقپارات - الماتىدا قازاقستان رەسپۋبليكاسى تاۋەلسىزدىك مونۋمەنتىنە سالتاناتتى گۇل شوقتارىن قويۋ ءراسىمى ءوتتى، دەپ حابارلايدى قازاقپارات ءتىلشىسى.
الماتىدا قازاقستان تاۋەلسىزدىگىنىڭ 27 جىلدىعى كۇنىندە رەسپۋبليكا الاڭىندا تاۋەلسىزدىك مونۋمەنتىنە سالتاناتتى گۇل شوقتارىن قويۋ ءراسىمى ءوتتى. الماتى اكىمدىگى باسپا ءسوز قىزمەتىنىڭ حابارلاۋىنشا، اسكەري-ۇرمەلى وركەستردىڭ ورىنداۋىنداعى سالتاناتتى- راسىمدىك مۋزىكامەن قالا باسشىلىعى، ارداگەرلەر كەڭەسى، ساياسي پارتيا جانە قوعامدىق بىرلەستىكتەر، 1986 -جىلعى جەلتوقسان وقيعاسىنا قاتىسۋشىلار، جاستار ۇيىمدارى، سونداي- اق قالا تۇرعىندارى رەسپۋبليكا الاڭىنداعى تاۋەلسىزدىكتىڭ باستى سيمۆولىنا گۇل شوقتارىن قويدى.
ءىس- شارا اياسىندا الماتى وڭىرلىك گارنيزونىنىڭ اسكەري قىزمەتشىلەرى شارا قاتىسۋشىلارىنىڭ الدىندا سالتاناتتى مارشپەن ءوتتى.
اۆتور: البەرت احمەتوۆ