الەمدەگى ەڭ باقىتتى جەر انىقتالدى

 استانا. قازاقپارات - Instagram الەۋمەتتىك جەلىسىنىڭ قىزمەتكەرلەرى جەلى قولدانۋشىلارى قويعان سمايليكتەردى، گەوللكاتسيالار مەن حەشتەگتەردى زەرتتەپ، قورىتىندىسىن جاريالادى. بۇل تۋرالى «ينستاگرامنىڭ» رەسمي سايتى حابارلايدى.

Instagram ديسنەيلەندتى ەڭ باقىتتى گەولوكاتسيا دەپ تاپتى. 2018 -جىلى ادامدار ەڭ باقىتتى سمايليكتەردى جاپوندىق ديسنەيلەندتە تۇسكەن سۋرەتتەرىنىڭ استىنا قويعان.

سونداي-اق، ماماندار كوزدىڭ ورنىنا جۇرەكتەر شىعاتىن فيلتردىڭ ەڭ ادەمى ەكەنىن انىقتادى. 2018 -جىلى #metoo, #timesup, #marchforourlives حەشتەگتەرى ءجيى قولدانىلعان.

قاراشا ايىندا Which؟ اتتى تۇتىنۋشىلار اسسوتسياتسياسىنىڭ قىزمەتكەرلەرى ساياحاتتاۋ ءۇشىن ەڭ قاۋىپسىز مەملەكەتتەردىڭ ءتىزىمىن جاريالاعان. ماماندار قىلمىستىڭ دەڭگەيى، دەنساۋلىققا قاۋىپى، تەراكت جانە تابيعات اپاتتارىنىڭ بولۋ مۇمكىنشىلىگى سىندى ءتورت تالاپتىڭ نەگىزىندە 20 تانىمال تۋريستىك باعىتتاردى انىقتادى. يسلانديا بارلىق تالاپتار بويىنشا ەڭ قاۋىپسىز ەل اتاندى.