ا ق ش-تىڭ مەملەكەتتىك حاتشىسى قازاقستان حالقىن تاۋەلسىزدىك كۇنىمەن قۇتتىقتادى

None
None
استانا. قازاقپارات - ا ق ش-تىڭ مەملەكەتتىك حاتشىسى مايكل ر. پومپەو قازاقستان حالقىن تاۋەلسىزدىك كۇنىمەن قۇتتىقتادى، دەپ حابارلايدى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

«مەن ا ق ش تۇرعىندارىنىڭ اتىنان قازاقستان حالقىن ەل تاۋەلسىزدىگىنىڭ 27 جىلدىعىمەن شىن جۇرەكتەن قۇتتىقتايمىن. ق ر پرەزيدەنتى نۇرسۇلتان نازاربايەۆتىڭ ا ق ش-قا ساپارى ەكى ەل اراسىنداعى ىنتىماقتاستىققا كەڭ جول اشتى. قازاقستان مەن ا ق ش كەڭەيتىلگەن ستراتەگيالىق ارىپتەستىكتى تەرەڭدەتۋگە كىرىستى»، - دەلىنگەن حابارلامادا.

ر. مايكل قازاقستاننىڭ حالىقارالىق ارەناداعى بەيبىت باستامالارىن جوعارى باعالادى.

«ءبىز قازاقستاننىڭ ب ۇ ۇ- نىڭ قاۋىپسىزدىك كەڭەسىنىڭ ءتوراعاسى رەتىندەگى ەكى جىلدى ناتيجەلى اياقتاۋىمەن قۇتىقتايمىز جانە ەلدىڭ ليدەرلىگىن جوعارى باعالايمىز. قازاقستان وڭىرلىك قاۋىپسىزدىك پەن دامۋ ماسەلەسى بويىنشا ءوزىن لايىقتى كورسەتە ءبىلدى. اسىرەسە قازاقستاننىڭ اۋعانستانعا قاتىستى ۇستانىمدارى ەرەكشە اتاۋعا تۇرارلىق. ءبىز سونىمەن قاتار ب ۇ ۇ-نىڭ ليۆانعا قولداۋ كورسەتۋ ماقساتىنداعى بىتىمگەرشلىك ميسسياسىنا قولداۋى ءۇشىن قازاقستاننىڭ ۇكىمەتىنە العىس بىلدىرەمىز. قازاقستان الەمدىك ارەنادا ورتالىق ازيا مەن ونىڭ ايماعىندا ءوزارا ىقپالداستىق پەن ەكونوميكالىق دامۋدى جانە بەيبىتشىلىك پەن تۇراقتىلىقتى قامتاماسىز ەتۋ ىسىندە ارىپتەس رەتىندە شەشۋشى ءرول اتقاردى».

ءسوز سوڭىندا مەملەكەتتىك حاتشى ا ق ش- تىڭ قازاقستاننىڭ ەكى ەلدىڭ يگىلىگى جولىنداعى قارقىندى قارىم-قاتىناستاردى كەڭەيتۋگە دەگەن قادامدارىن اسىعا كۇتەتىندىگىن اتاپ ءوتتى.

 

سوڭعى جاڭالىقتار