مەرەكە كۇنى اۋا رايى قانداي بولادى
«قازگيدرومەت» ر م ك- نىڭ مالىمەتتەرىنە قاراعاندا، اتموسفەرالىق سيكلوننىڭ جانە ونىمەن اتموسفەرالىق اعىنداردىڭ وتۋىنە بايلانىستى رەسپۋبليكا بويىنشا بارلىق جەردە جاۋىن- شاشىن بولادى.
قازاقستاننىڭ وڭتۇستىك- باتىسىندا، كۇندىز كەي جەرلەرىندە قاتتى جاۋىن-شاشىن بولادى. كەي جەرلەردە تۇمان ءتۇسىپ، كوكتايعاق، بۇرقاسىن بولادى، جەل كۇشەيەدى.
اقمولا، اتىراۋ، تۇندە باتىس قازاقستان وبلىستارىنىڭ كەي جەرلەرىندە تۇمان، بۇرقاسىن بولۋى ىقتيمال.
اتىراۋ جانە باتىس قازاقستان وبلىستارىندا كوكتايعاق بولادى.
جامبىل، قىزىلوردا، ماڭعىستاۋ، اقتوبە، قوستاناي، قاراعاندى وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى.
ماڭعىستاۋ وبلىسىندا كۇندىز كەي جەرلەردە قاتتى جاۋىن- شاشىن، جامبىل، قىزىلوردا، كۇندىز قاراعاندى وبلىستارىنىڭ كەي جەرلەرىندە جەل سەكۋندىنا 15-20 مەترگە دەيىن ۇيتقيدى. جامبىل وبلىسىندا جەلدىڭ ەكپىنى 23-28 م/س- قا كۇشەيەدى.
الماتى، تۇركىستان، سولتۇستىك قازاقستان، تۇندە پاۆلودار، شىعىس قازاقستان وبلىستارىنىڭ كەي جەرلەرىندە تۇمان تۇسەدى.
تۇركىستان، شىعىس قازاقستان، كۇندىز الماتى وبلىستارىنىڭ كەي جەرلەرىندە جەلدىڭ ەكپىنى سەكۋندىنا 15-20 مەترگە جەتەدى.
كۇندىز شىعىس قازاقستان وبلىسىندا كەي جەرلەردە بۇرقاسىن، كوكتايعاق بولادى دەپ كۇتىلۋدە.