بۇگىن قىتايدا دزيۋدوشىلارىمىز «ماستەرس» تۋرنيرىن باستادى

استانا. قازاقپارات - بۇگىن قىتايدىڭ گۋانچجوۋ قالاسىندا دزيۋدودان جىلدىڭ ەڭ سوڭعى جارىسى الەمدىك «ماستەرس» تۋرنيرى، دەپ حابارلايدى قازاقپارات ءتىلشىسى.

ق ر دزيۋدو فەدەراتسياسى ءمالىم ەتكەندەي، ەكى كۇن، ياعني 15-16- جەلتوقسان كۇندەرى وتەتىن دودا حالىقارالىق دزيۋدو فەدەراتسياسىنىڭ كۇنتىزبەسىندە «ماستەرس» تۋرنيرى ماڭىزدىلىعى جاعىنان وليمپيادا ويىندارى مەن الەم چەمپيوناتىنان كەيىنگى ورىندا تۇر.

سەبەبى، مۇندا الەم رەيتينگىندە كوش باستاعان ۇزدىك 16 دزيۋدوشى عانا قاتىستىرىلادى. تيىسىنشە، اتالمىش جارىستا بەرىلەتىن ۇپاي ساندارى دا قوماقتى. جەڭىمپازدارعا 1800 ۇپاي، ەكىنشى ورىن العان دزيۋدوشىعا 1260 ۇپاي، ءۇشىنشى ورىنعا يە بولعان دزيۋدوشىعا الەم رەيتينگىندە 900 ۇپايدان قوسىلادى.

جارىس ەرەجەسىنە ساي الەم رەيتينگىندە ۇزدىك 16 سپورتشى قاتارىنا قازاقستان ۇلتتىق قۇراماسىنان 7 دزيۋدوشى ەنىپ، «ماستەرس» تۋرنيرىنە قاتىسۋعا مۇمكىندىك الدى.

ايتا كەتەرلىگى، قازاقستان ايەلدەر قۇراماسىنان دزيۋدوشىلار بۇل جارىستا كۇرەسپەيدى.

نازارلارىڭىزعا جارىسقا قاتىساتىن سپورتشىلار مەن ولاردىڭ الەم رەيتىنگىندەگى ورىندارىن ۇسىنامىز.

60 كەلى:

عۇسمان قىرعىزبايەۆ - 7 ورىن (3881 ۇپاي)

ەلدوس سمەتوۆ - 13 (2765)

66 كەلى:

ەرلان سەرىكجانوۆ - 10 (3200)

ەلدوس جۇماقانوۆ - 11 (3067)

73 كەلى:

جانساي سماعۇلوۆ - 10 (3044)

81 كەلى:

ديدار حامزا - 15 (2446)

90 كەلى:

يسلام بوزبايەۆ - 15 (2718)