اقمولادا بۇرىنعى مير كوشەسى تاۋەلسىزدىك بولىپ وزگەردى

كوكشەتاۋ. قازاقپارات - اقمولا وبلىسىنداعى زەرەندى سەلوسىنىڭ ورتالىق كوشەسىنە تاۋەلسىزدىك اتاۋى بەرىلدى، دەپ حابارلايدى قازاقپارات ءتىلشىسى وڭىرلىك كوممۋنيكاتسيالار قىزمەتىنە سىلتەمە جاساپ.

«رۋحاني جاڭعىرۋ» باعدارلاماسى شەڭبەرىندە بۇرىنعى مير كوشەسى تاۋەلسىزدىك بولىپ وزگەرتىلىپ وتىر. وسىعان وراي، ۇيىمداستىرىلعان سالتاناتتى شاراعا زەرەندى اۋدانىنىڭ اكىمى مەرەكە مۇستافين، اۋداندىق ءماسليحات دەپۋتاتتارى، اۋداننىڭ قۇرمەتتى ازاماتى يۆان پوزدنياكوۆ قاتىسىپ، قۇتتىقتاۋ ءسوز سويلەدى. كوشە اتاۋىن وزگەرتۋ تۋرالى مادەنيەت سالاسىنىڭ ارداگەرى كۇلاش راقىمجانوۆ ءبىرىنشى بولىپ، ۇسىنىس جاساعان ەكەن.

سالتاناتتى شارا ءداستۇر بويىنشا شاشۋ شاشۋ جانە دومبىرانىڭ سازدى ۇنىمەن اشىلىپ، جەرگىلىكتى كوركەمونەرپازداردىڭ ورىنداۋىنداعى اسەم ءان مەن مىڭ بۇرىلعان بيگە ۇلاستى. جينالعان قاۋىم پاتريوتتىق ناقىشتاعى اندەرمەن سۋسىنداپ، كوتەرىڭكى كوڭىل-كۇيمەن تارقاستى.