استانا مەن بەرلين ىنتىماقتاستىقتىڭ ستراتەگيالىق سيپاتىن راستادى

بەرلين. قازاقپارات - سىرتقى ىستەر ءمينيسترىنىڭ ورىنباسارى رومان ۆاسيلەنكو گەرمانياعا جۇمىس ساپارى بارىسىندا اتالمىش ەلدىڭ سىرتقى ىستەر مەملەكەتتىك ءمينيسترى نيلس اننەنمەن جانە گ ف ر فەدەرالدى ۇكىمەتىنىڭ جاھاندىق ماسەلەلەر (ب ۇ ۇ) جانە قارۋسىزداندىرۋ مەن قارۋ تاراتپاۋ جونىندەگى وكىلى مىندەتىن اتقارۋشى ريۋديگەر بونمەن كەزدەستى.

بۇل تۋرالى ق ر س ءى م باسپا ءسوز قىزمەتىنە سىلتەمە جاساپ، قازاقپارات حابارلايدى.

كەزدەسۋ بارىسىندا ق ر پرەزيدەنتىنىڭ جاھاندىق قاۋىپسىزدىك پەن تۇراقتى دامۋدى قامتاماسىز ەتۋ، سونىڭ ىشىندە استانادا رەسەي، ق ح ر، ە و جانە ا ق ش كوشباسشىلارىنىڭ حالىقارالىق قاۋىپسىزدىك ماسەلەلەرىن تالقىلاۋ ءۇشىن سامميت ۇيىمداستىرۋ تۋرالى جاقىندا ۇسىنىلعان باستاماسى قاراستىرىلدى. تاراپتاردىڭ پىكىرىنشە، 2017-2018 ج ج. كەزەڭىندەگى قازاقستاننىڭ ب ۇ ۇ قاۋىپسىزدىك كەڭەسىنىڭ تۇراقسىز مۇشەسى رەتىندەگى قىزمەتى، سونداي-اق گەرمانيانىڭ اتالعان ماڭىزدى حالىقارالىق ورگانداعى 2019-2020 ج ج. الداعى قىزمەتى بۇل ماسەلەدەگى تىكەلەي قاتىسى بار باسىمدىق بولۋى مۇمكىن.

قازاقستاندىق ديپلومات نەمىس تاراپىن ب ۇ ۇ قاۋىپسىزدىك كەڭەسىنىڭ تۇراقسىز مۇشەسى رەتىندە سايلانۋىمەن قۇتتىقتادى جانە اتالعان ورگان اياسىندا ەكى ەلدىڭ باسىمدىقتارىن جۇزەگە اسىرۋدا تاراپتاردىڭ تىعىز ءوزارا ارەكەتىن اتاپ ايتتى. نەمىس تاراپى ءوز كەزەگىندە وسى لاۋازىمعا گەرمانيا كانديداتۋراسىن قولداعانى ءۇشىن قازاقستانعا العىس ءبىلدىردى جانە حالىقارالىق ۇيىم اياسىنداعى تىعىز قارىم-قاتىناستى جالعاستىرۋعا دايىن ەكەندىگىن راستادى.

2019-جىلى قابىلدانۋى كۇتىلەتىن ە و- نىڭ ورتالىق ازيامەن ىنتىماقتاستىعى جونىندەگى جاڭا ستراتەگياسى تۋرالى ايتا كەلە، تاراپتار ايماقتىڭ ءىرى الەمدىك نارىقتارى اراسىنداعى ستراتەگيالىق كوپىر رەتىندەگى ءرولى جانە ايماقارالىق قارىم- قاتىناستاردى ارى قاراي نىعايتۋ قاجەتتىگى تۋرالى بىردەي پىكىرگە كەلىستى.

گ ف ر س ءى م باسشىلىعىمەن كەزدەسۋ بارىسىندا سونداي-اق ەكىجاقتى ستراتەگيالىق ىنتىماقتاستىقتى ارتتىرۋ ماسەلەلەرى تالقىلاندى، بۇل رەتتە تاراپتار قازاقستان منە گەرمانيا اراسىنداعى سەنىمدى ساياسي ديالوگ جانە تابىستى ساۋدا-ەكونوميكالىق ءوزارا قارىم-قاتىناستىڭ ورناتىلعانىن ايتتى. ن. اننەن جاقىندا استاناعا جاساعان جۇمىس ساپارى قورىتىندىسىن جوعارى باعالادى. ساپار بارىسىندا ول ق ر سىرتقى ىستەر ءمينيسترى قايرات ءابدىراحمانوۆ جانە ق ر پرەزيدەنتىنىڭ كومەكشىسى نۇرلان ونجانوۆپەن ەكونوميكا مەن ساياسات سالاسىنداعى ماڭىزدى تاقىرىپتار جونىندە كەلىسسوزدەر جۇرگىزدى.

قازاقستاندىق ديپلومات ءوز كەزەگىندە ن. اننەن مىرزانى ءبىر اپتا بۇرىن نەمىس استاناسىندا وتكەن قازاقستان- گەرمان ىسكەرلىك كەڭەسى وتىرىسىنىڭ تابىستى ناتيجەلەرى تۋرالى حاباردار ەتتى. ر. ۆاسيلەنكونىڭ ايتۋىنشا، جاسىل ەكونوميكا، سيفرلاندىرۋ جانە اۋىل شارۋاشىلىعى ءوندىرىسى سالالارىندا سەرىكتەس بولىپ تابىلاتىن قازاقستان مەن گەرمانيا ءۇشىن قارجى سالاسىندا، سونىڭ ىشىندە «استانا» حالىقارالىق قارجى ورتالىعىمەن ءوزارا ارەكەتتەستىك الەۋەتىن بەلسەندى تۇردە ارتتىرۋ ءتيىمدى بولار ەدى.

گەرمانيا - قازاقستاننىڭ ءىرى ساۋدا-ەكونوميكالىق سەرىكتەسى بولىپ تابىلادى. 2017-جىلى ەكىجاقتى ساۋدا اينالىمى 4,856 ميلليارد ەۋرونى قۇراپ، وتكەن جىلمەن سالىستىرعاندا %21,8 - عا ارتقاندىعىن كورسەتسە، اعىمداعى جىلدىڭ سوڭعى التى ايىندا بۇل كورسەتكىش 2,885 ميلليارد دوللاردى قۇراپ، ءوسۋدىڭ جالعاسۋىن كورسەتەدى. 2005-2017-جىلدار ارالىعىندا نەمىس كومپانيالارى قازاقستانعا 4,231 ميلليارد دوللار ينۆەستيتسيا سالدى، ونىڭ %90  ەكونوميكانىڭ شيكىزاتتىق ەمەس سەكتورىنا باعىتتالعان.