اقتوبە مەكتەبىندە فاريزا وڭعارسىنوۆاعا ەسكەرتكىش تاقتا ورناتىلدى

اقتوبە. قازاقپارات - اقتوبەدە ورتا مەكتەپكە اقىن فاريزا وڭعارسىنوۆاعا ارناپ ەسكەرتكىش تاقتا اشىلدى.

مۇراجاي دا جاساقتالىپ جاتىر، دەپ حابارلايدى قازاقپارات ءتىلشىسى.

تاۋەلسىزدىك كۇنىنە وراي اقتوبە قالاسىنداعى 41№ مەكتەپ-گيمنازياسىنىڭ عيماراتىندا فاريزا وڭعارسىنوۆانىڭ قۇرمەتىنە ەسكەرتكىش تاقتا ورناتىلدى. سالتاناتتى شاراعا اقتوبە وبلىسىنىڭ اكىمى بەردىبەك ساپاربايەۆ، اقىننىڭ ۇلى الماس وڭعارسىنوۆ، قوعام قايراتكەرى ءارى جازۋشى ءابىش كەكىلبايەۆتىڭ جۇبايى كلارا جۇمابايەۆا قاتىستى.

«تاۋەلسىز ەلىمىزدىڭ قالىپتاسۋىندا قازاق حالقىنىڭ داڭقتى قىزى فاريزا وڭعارسىنوۆانىڭ ءرولى ماڭىزدى. ول قازاق پوەزياسىن دامىتۋعا ەلەۋلى ۇلەس قوسىپ، ادەبيەتكە وشپەس ءىزىن قالدىردى. ونىڭ قالامىنان ماحاباتتى، ەرلىك ىستەردى، ادامداردىڭ قايسارلىعىن جىرلايتىن جۇزدەگەن شىعارمالار شىقتى. سوندىقتان مەملەكەتىمىزدىڭ ماڭىزدى مەرەكەسى قارساڭىندا اتاقتى اقىن قىزدىڭ ەسىمى بەرىلگەن مەكتەپتە ەسكەرتكىش تاقتا ورناتىلدى»، - دەدى ءوڭىر باسشىسى بەردىبەك ساپاربايەۆ.

مەكتەپتە ف. وڭعارسىنوۆا اتىنداعى مۇراجاي اشىلدى. مۇندا وقۋشىلار اتاقتى اقىن قىزدىڭ ومىربايانىمەن جانە شاعىرماشىلىعىمەن تانىسا الادى. الماس وڭعارسىنوۆ مۇراجايعا اناسىنىڭ 12 تومدىق شىعارمالار جيناعىن سىيعا تارتتى.

ايتا كەتەيىك، اقىن فاريزا وڭعارسىنوۆا اتىنداعى 600 ورىندىق جالپى ءبىلىم بەرەتىن مەكتەپ- گيمنازيا وسى جىلدىڭ تامىز ايىندا اشىلدى.