22:36, 14 - جەلتوقسان 2018 | GMT +6
تەلەفونمەن ويناپ وتىرعان قىزعا نايزاعاي ءتۇسىپ قازا بولدى
استانا. قازاقپارات - يندونەزيادا نايزاعاي جارقىراعان ۋاقىتتا تەلەفونمەن ويناپ وتىرعان قىز قازا بولدى.
وقيعا 12 - جەلتوقساندا باتىس ياۆا پروۆينتسياسىنداعى اۋىلداردىڭ بىرىندە بولدى. 6 جاسار قىز سالسابيلا ايۋ پۋتري نايزاعاي جارقىلداپ تۇرعان ۋاقىتتا تەلەفونىن قاراپ وتىرادى. بۇل ۋاقىتتا تەلەفونى قۋاتتاعىشقا قوسىلىپ تۇرعان.
نايزاعاي قىز وتىرعان ۇيگە تۇسەدى. قىزدىڭ اناسى ۆيديا قۋاتتاعىشتى توق نۇكتەسىنەن جۇلىپ العاندا ونىڭ ءوزىن توق ۇرادى. سول ساتتە قىزىنىڭ ەدەندە ەس- ءتۇسسىز جاتقانىن كورەدى. ونىڭ وڭ جاق بەتى تەلەفونعا ءتيىپ جاتقان. اناسى قىزىنىڭ بەتى كۇيىپ، كەۋدەسى قارايىپ كەتكەنىن كورەدى.
ايەل كورشىلەرگە كومەك سۇراپ بارعانىمەن، ول كەز تىم كەش ەدى. قىزى بۇل ۋاقىتتا تىنىس الۋىن توقتاتقان.
پوليتسەيلەردىڭ مالىمەتىنشە وتباسى قىزدىڭ دەنەسىن ارشىپ تەكسەرۋ جۇرگىزۋدەن باس تارتتى.