بۇركىتتىڭ قارىنداسى ءوزىنىڭ نەلىكتەن «جەزوكشە» اتانعانىن ءتۇسىندىردى
اكتريسا ءوز اتىنان اقشا ويناتۋىنا بايلانىستى تۇسىرىلگەن جارنامالىق بەينەجازباسى ءۇشىن حالىقتىڭ قاھارىنا ۇشىراعان. ۆيدەودا اسەل اسقار جەڭىل ءجۇرىستى قىزدىڭ كەيپىنە ەنىپ، وڭاي جولمەن اقشا تابۋدى ناسيحاتتاعان.
بۇركىت قارىنداسىنىڭ بۇل جازباسى جەلى وقىرماندارىنىڭ قىزۋ تالقىسىنا ءتۇسىپ، ۇلكەن داۋ تۋدىردى. تولاسسىز نارازىلىق پىكىرلەردەن سوڭ، تانىمال ارۋدىڭ ءوزى سىنشىلارىنا جاۋاپ بەرۋدى ۇيعاردى.
«ۆيدەوما قاتىستى كەرى پىكىرلەر تاۋسىلار ەمەس. ونىڭ باستى ءمانى ۇيدەن شىقپاي-اق، جەڭىل جولمەن اقشا تابۋدى كورسەتۋ بولعان. مۇمكىن بۇل ۆيدەوم بىرەۋ ءۇشىن جامان، جات دۇنيە بولىپ كورىنگەن شىعار. الايدا، بار جەتكىزگىم كەلگەنى - اقشا تابۋ وپ-وڭاي.
ال، بەينەروليككە كەلەتىن بولساق، مەن سومداعانىم ول - ءرول، وبراز. ونى وزىڭىزگە جاقىن قابىلداۋدىڭ قاجەتى جوق. قايتالاپ ايتامىن، مەن تەك قانا وبرازدا بولدىم. ودان ارتىق جامان ويلارعا ەرىك بەرۋدىڭ قاجەتى دە، ءمانى دە جوق. مەن شىعارماشىلىق ادامىمىن. سول سەبەپتى ءتۇرلى رولدەر مەن كەيىپكەرلەردى سومداي ءبىلۋىم قاجەت.
اركەز ءوزىمدى جاڭا قىرىمنان تانىتقىم كەلەدى. ءوز-ءوزىمدى دامىتۋ ءۇشىن بارىمدى سالام. ءبىر ورىندا تۇرىپ قالۋ مەنىڭ جوسپارىمدا جوق»، - دەپ ايتتى اكتريسا.
وعان قوسا، اسەل اسقار وقىرماندارىنا ۆيدەوداعى وزىمەن توسەكتەس بولعان ەر ادامدى سومداعان جىگىت جايلى دا ايتىپ بەردى.
«ءبىر مينۋتتىق روليكتە مەنىمەن بىرگە مەنىڭ سۇيىكتىم ءتۇستى. ول مەنى قولدادى. مەن ءۇشىن ول وتە ماڭىزدى. ول بۇل ۆيدەونى تۇسىرۋگە قارسى بولعان جوق. بۇل ءرولدىڭ جاقسى دا، جامان دا جاقتارىن ەسكەرە كەتتىم. ماعان قولداۋ بىلدىرگەندەرگە مىڭ العىس. جاقىندا ءوزىمدى ەل كۇتپەگەن وبرازداردا كورسەتپەكپىن»، - دەدى ارۋ.
ايتا كەتەيىك، بۇعان دەيىن اسەل اسقاردىڭ جەزوكشە كەيپىندە بولعان ۆيدەوسى تاراعانى جونىندە جازعان بولاتىنبىز. ⠀