گيلگامەش كينوعا سۇرانىپ- اق تۇر - دۋلات يسابەكوۆ

None
None
 استانا. قازاقپارات - جاس رەجيسسەر نۇرگەلدى سادىعۇلوۆ گيلگامەشتى كينو ەتىپ ءتۇسىرۋدى قولعا الام دەسە، مەن بىردەن سەناريىن جازۋعا وتىرار ەدىم. بۇل جايىندا جازۋشى دۋلات يسابەكوۆ «بالۋان شولاق» فيلمىنىڭ تانىستىرىلىمى كەزىندە ايتتى.

«نەگە ءبىز گيلگامەشكە بارۋىمىز كەرەك؟ ويتكەنى ول تۇركى الەمىمەن بايلانىستى. بۇكىل باتىس ەلدەرى جازبا ادەبيەت حريستيان دىنىنەن كەيىن كەلدى دەپ ميىمىزعا سىڭىرگەن. ەفرات پەن تيگردىڭ اراسىندا تابىلعان گيلگامەش ەپوسى تۇركى الەمىمەن بايلانىستى ەكەنىن تانىتتى. سودان باتىس ەلدەرى ءۇنسىز قالدى، ويتكەنى تۇڭعىش ادەبيەت شىعىستا پايدا بولعان» ، - دەيدى جازۋشى.

سونداي- اق ول، گيلگامەش ءبىزدىڭ زامانىمىزعا دەيىنگى 26 - عاسىردا جازىلعانىن، ول تاريحي بولعان ادام ەكەنىن ايتىپ ءوتتى.

«جىردى وقىپ قاراساڭىزدار ونداعى سوزدەردىڭ كوبىسى تۇركى حالىقتارىنىكى ەكەىنىن بايقايسىزدار. ماسەلەن، تامىز- تامىز، انا- ەنە، سۋ- سۋ، تىپتەن وسى كۇنگى ءبىزدىڭ ادامداردىڭ اتتارىنىڭ بارلىعى سوندا ءجۇر. دەمەك ول تۇركى الەمىمەن تىعىز بايلانىستى. ءتۇس كورۋ، اناسىنىڭ ءتۇستى جورۋى، ات شابىسى، اڭ اۋلاۋ بۇلاردىڭ بارلىعى قازاققا عانا ءتان نارسەلەر. ەگەر رەجيسسەر نۇرگەلدى سادىعۇلوۆ وسىنى كينو ەتىپ ءتۇسىرۋدى قولعا الام دەسە، مەن بىردەن ستسەناريدى جازۋعا وتىرامىن» ، - دەيدى دۋلات يسابەكوۆ.

جيىن بارىسىندا ءسابيت ءابدىحالىقوۆ ق ر مادەنيەت جانە سپورت مينيسترلىگى تاراپىنان سوڭعى كەزدە تاريحي كينولار كوپتەپ ءتۇسىرىلىپ جاتقانىن ايتىپ ءوتتى.

«الداعى ۋاقىتتا توميريس فيلمى جارىققا شىعادى، سونداي- اق «قاسىم حان» تۋرالى كينوعا كىرىسىپ جاتىر، وعان «ەرتۇعىرىلدى» تۇسىرگەن تۇرىك رەجيسسەرى شاقىرىلۋدا. جوسپاردا «اتتيلا» تۇر، ورتا ازيادان شىققان جالعىز گەنەرال سابىر راحىموۆ تۋرالى دا كينو ءتۇسىرۋ قولعا الىنۋدا» ، - دەيدى ول.

 

ادىلەت مۇساحاەۆ

Baq.kz

سوڭعى جاڭالىقتار