يممۋنيتەتتى نىعايتاتىن قوسپا

 استانا. قازاقپارات - سىزدەرگە ۇسىنىلاتىن قوسپا جۇرەك جۇمىسىن جاقسارتىپ، كۇنى بويى سەرگەك جۇرۋگە سەپتىگىن تيگىزەدى.

مۇنىمەن قاتار، يممۋنيتەتتى نىعايتۋعا كومەكتەسەدى.

بىزگە قاجەت ازىق- تۇلىكتەر:

1) 300 گ گرەك جاڭعاعى

2) 300 گ كەپتىرىلگەن ورىك

3) 300 گ ءىنجىر

4) 300 گ قارا ورىك

5) 300 گ قارا مەيىز

6) 2 ستاقان بال

7) 2 ليمون

كەپتىرىلگەن ورىك - كالييدىڭ قاينار كوزى.

قارا ورىك ىشەك جولىن تازالايدى.

مەيىز ميدى قورەكتەندىرەدى.

جاڭعاق جۇرەك اۋرۋلارىن ەمدەيدى.

ليمون مەن بالدىڭ پايداسى مول ەكەنىنە ەشكىم كۇمان كەلتىرە قويماس.

جوعارىداعى جەتى دامنەن وزگە جاڭعاق تۇرلەرى (بادام، جەرجاڭعاق، پىستە) مەن كەپتىرىلگەن جەمىستەردەن (قۇرما) قوسام دەسەڭىز، ەركىڭىز ءبىلسىن. كەپتىرىلگەن جەمىستەردى جىلى سۋمەن جاقسىلاپ جۋىپ، ازداپ كەپتىرەمىز. بارلىق قوسپانى، ليموندى قابىعىمەن قوسا ەت تارتقىشتان وتكىزەمىز. ۇككىشتەن دە وتكىزۋگە بولادى. بارلىعىن بالمەن جاقسىلاپ ارالاستىرامىز. وسىمەن قوسپامىز دايىن. ونى سالقىن جەردە ساقتاعانىڭىز ءجون.

تاماق جەر الدىندا كۇنىنە 2-3 رەت ءبىر شاي قاسىقتان قابىلداپ تۇرساڭىز بولادى. يممۋنيتەتىڭىز نىعايىپ شىعا كەلەدى. سۋىق تيۋ سياقتى اۋرۋلاردى اتىمەن ۇمىتاتىن بولاسىز. بالاعا دا كۇنىنە ءبىر قاسىقتان بەرىپ وتىرساڭىز، پايداسى مول. قوسپامىز تاۋسىلعانعا دەيىن قولدانىپ، ارادا 1-2 اي وتكەن سوڭ قايتالاپ دايىنداي بەرسەڭىز بولادى.